Откако неколку граѓани од општина Карпош до ЦИВИЛ Медиа се пожалија дека веќе еден месец не им издаваат социјални броеви за туѓа нега, стапивме во контакт со Меѓуопштинскиот центар за социјална работа во Карпош.
Од Центарот за ЦИВИЛ Медиа велат дека веќе трета недела се обидуваат да го решат проблемот.
„Еве, денеска повторно дојдоа екипите на операторот и ветија дека проблемот ќе биде решен до крајот на неделата. Не се работи за цел месец, туку за три недели, иако и тоа е навистина долг период, но проблемот не е до нас, туку до операторот“ велат од Центарот за социјална работа во Карпош. Останува отворено прашањето, дали поради немање интернет и одолговлекување на решенијата од операторите, мора да страдаат токму најранливите.
М. Ивановска