Експертот по статистика и изборни прашања, Роберт Несими, го демантира Петар Арсовски за неговата изјава дадена за Телма дека измените на Изборниот законик се мини политичка победа на ДУИ.
Според него, не е точно дека со прекројувањето на петтата и шестата изборна единица, само македонски гласови се селат во петтата и дека би се намалил само бројот на македонски гласови во шестата изборна единица, а ваквото тврдење на Арсовски ја цени како празна и тенденциозна.
Несими во реакцијата на социјалните мрежи пишува дека во шестата изборна единица се намалува и бројот на гласачите Албанци исто како на Македонците, а истовремено, во петтата изборна единица се зголемува бројот на гласачи Македонци, како и на Албанците.
Во едната единица, како што тврди Несими, намален е бројот и на двете етнички заедници, а во другата единица, се зголемил бројот на гласачи, исто така, од двете заедници, со што се подразбира дека процентот и рамнотежата останале исти.
„Една од најтенденциозните и најпразните изјави која сум ја читал, бидејќи:
-Во шестата изборна единица е намален и бројот на Албанците
-Во петтата изборна единица се зголемил бројот на Македонците
-Во петтата изборна единица се зголемил бројот на Албанците
Вака се случува кога се префрлуваат гласачи од една зона на друга, кај едната се намалува, кај другата се зголемува”, пишува Несими.
А. Зеќири
