Речиси 1.400 луѓе се уапсени денеска во неколку градови во Русија за време на демонстрации против војната во Украина, информира локалната невладина организација ОВД-Инфо.
Според организацијата, најмалку 1.391 лице се уапсени во 51 град, од кои 719 само во Москва, меѓу нив и тројца дописници на Радио слободна Европа.
Некои светски агенции од лице место претходно известија дека неколку десетици демонстранти се уапсени во Санкт Петербург и оти се распоредени силни полициски сили.
Демонстрантите биле уапсени во близина на плоштадот Пушкин, како и на други места во Санкт Петербург, додека извикувале „Не на војна!“.
Претходно организацијата ОВД-Инфо извести дека Руската полиција приведе повеќе од 735 луѓе на антивоените протести во повеќе градови во Русија.
