Дури 80% од новинарите во Источна Македонија добиваат плата која е пониска од просечната плата во Македонија, а речиси 75% од анкетираните новинари би го замениле новинарсвото со друга професија.
Според текстот на порталот „Дума“, што се базира врз резултатите на анализата „Социо-економската положба на новинарите во Источна Македонија“ на Здружението Младински клуб – Штип, подготвена од новинарите Тони Михаилов, Игор Стојанов и Иван Бојаџиски, во Источна Македонија новинарите работат за минимални плати, без можности за годишен одмор, без слободни денови во текот на неделата, а во најголем дел од медиумите не се почитува законот за работни односи… Во анализата се опфатени шеесетина новинари, кои се изјаснуваат за почитувањето на нивните работнички права
Анализата опфаќа и аспект на релацијата на новинарите со невладиниот сектор, односно, прашањето: што актизвизмот во граѓанската сфера може да направи во насока на подобрување на состојбите со медиумите и со новинарите и обратно – како новинарите можат да го поддржат цивилниот сектор во Македонија?
Анкетата и анализата се дел од проeктот „Мрежа на новинари за медиумските слободи“ на Здружението на новинарите на Македонија, поддржан од Европската унија.