За утре во 11 часот, во Кабинетот на претседателот Стево Пендаровски е свикана 17-та седница на Советот за безбедност, на чиј дневен ред ќе биде енергетската криза во Македонија и мерките за нејзино надминување, информираат од кабинетот на шефот на државата.
На седницата, покрај членовите на Советот за безбедност, ќе присуствуваат и заменикот на претседателот на Владата задолжен за економски прашања, координацијата на економските ресори и инвестиции, Фатмир Битиќи, министерот за финансии, Фатмир Бесими и министерот за економија, Крешник Бектеши.
Од претседателскиот кабинет информираат дека по завршувањето на седницата на Советот за безбедност ќе следaт изјави на претседателот Стево Пендаровски и претседателот на Владата, Димитар Ковачевски.