Пентагон го истражува протекувањето на доверливи документи на социјалните мрежи за плановите на САД и НАТО за планирана контраофанзива на украинската армија, пренесува Њу Јорк Тајмс повикувајќи се на претставници на администрацијата на Џо Бајден.
Фотографиите со шеми за очекуваното снабдување со оружје, бројот на војници и други планови неодамна беа објавени на проруски Твитер и Телеграм канали.
Наводно, САД се обидувале да ги отстранат овие документи, но до четвртокот вечерта обидот бил неуспешен.
„Свесни сме за извештаите за објавите на социјалните мрежи, а одделот го разгледува ова прашање“, изјави портпаролката на Пентагон, Сабрина Синг.
Документите не содржат конкретни борбени планови, како на пример, како, кога и каде Украина ќе започне офанзива, туку само ги прикажуваат потребите на украинските вооружени сили од 1 март.
Во документите се споменува колку муниција му е потребна на ХИМАРС.
Не е јасно како документите се појавија на социјалните мрежи. Документите објавени од руски извори можеби се делумно променети за да се прикријат реалната состојба со загубите на руските војници и да се преувеличат загубите на украинските вооружени сили.
Документ класифициран „строго доверливо“ содржи информации за ситуацијата од 1 март. Друг документ дава список на украински воени единици, опрема и обука закажани за периодот јануари-април.
Во документот се забележува дека доцнењето во испораката на воена опрема нема да влијае на обуката и подготвеноста за извршување на задачите навреме.
Подготви: Д. Мишев
