Рускиот претседател Владимир Путин ќе разговара со турскиот колега Реџеп Таип Ердоган за време на посетата на Техеран наредната седмица, информираше денеска портпаролот на Кремљ, Дмитриј Песков, пренесува МИА.
– Вчера најавивме контакти на највисоко ниво меѓу Путин и Ердоган. Таков состанок ќе се одржи таму, појасни Песков.
Двајцата претседатели вчера телефонски разговараа за ситуацијата во Сирија и за прашањето околу снабдување со житарици, соопштија од кабинетот на турскиот лидер.
Според наведеното, лидерите разговарале за ситуацијата во Сирија, украинско-руската војна и за создавање безбедни коридори во Црното Море за извоз на житарици.
Ердоган смета дека дошло време „да се преземе акција во рамки на Обединетите Нации за создавање безбедни коридори во Црното Море за извоз на жито“
Вчера, претседателот на Турција Реџеп Тајип Ердоган, за време на телефонскиот разговор со претседателот на Украина Володимир Зеленски, изјави дека е подготвен да ја даде сета потребна поддршка за почеток на преговарачкиот процес меѓу Украина и Руската Федерација, вклучително и помош и посредување во процесот во Истанбул.
