Како дел од партиципативното новинарство што ЦИВИЛ Медиа го спроведува со граѓанските новинари од Македонија, по повод вчерашниот случај од Прилеп, кога во колоната демонстранти низ центарот на градот, на протестот во организација на здружението „За заедничка Македонија“, беа и камиони кои пренесуваа тешки мермерни блокови, побаравме став од СВР Битола, од каде н препратија на МВР во Скопје…
На нашите прашања до СВР Битола: зошто не интервенирала припалепската полиција со оглед на ризикот од тешките камиони со неколкутонски товар од мермерни блокови, дали, според СВР/МВР е безбедно во колона на граѓанскиот протест да бидат вклучени вакви возила и дали полицијата ќе интервенира во иднина, со апел и предупредување? – добивме одговор од МВР.
„Во врска со Вашето барање за одговор за случувањата на протестот, одржан на 26.04.2017 година во Прилеп, СВР Битола Ве известува дека улогата на полицијата за време на одржување на јавни собири е да обезбеди мирно и непречено одвивање на истите. Конкретно, во вчерашниот јавен собир имало вклучени и неколку товарни возила. Полициските службеници кои го обезбедувале протестот, не биле во можност да реагираат, бидејќи колоната се движела во правец – споменик ‘Прилепски бранители кон споменикот ‘Карпалак’“, се вели во одговорот на МВР, испратен денеска до ЦИВИЛ Медиа.
„Од страна на ПС ОН Прилеп во текот на денешниот ден се превземаат оперативно-тактички мерки за идентификација на возачите на ТМВ и ќе бидат превземени соодветни мерки против истите, согласно ЗБСП. Од страна на Локалната самоуправа Прилеп, која е надлежна за состојбата на патиштата во Општината, до овој момент нема поднесени пријави за оштетувања на коловозот на булеварот ‘Гоце Делчев’ во Прилеп. СВР Битола, преку медиумите ќе испрати апел до граѓаните во иднина да не користат вакви средства кои би можело за доведат до оштетување на коловозот“, соопштува МВР.
М. Т.