ДРАГАН МИШЕВ
По помпезните најави на министерот за транспорт, Александар Николоски дека со распишаниот повик ќе се зголеми понудата на скопската филијала на ТАВ аеродромите, што ќе резултира со сголемен број странски гости ви земјава, а со самото тоа ќе се зголеми и девизниотприлив, деновиве тој го обелодени грандиозното достигнување на новата влада, и тоа по првите 100 и кусур дена од доаѓањето на власт. Од идната година од аеродромите во Скопје и во Охрид ќе се лета до дури шест нови дестинации: четири од скопскиот аеродром, од кои 3 на нискобуџетната Визер (Барселона, Лион и Штутгарт), а четвртата е на „Флај Дубаи“ на релација Скопје-Дубаи-Скопје. Од охридскиот аеродром, Николовски ги најави линиите до Базел со Визер и до Истанбул на Туркиш ерлајнс.
Но, по само неколку дена од историскиот успех на министерот Николовски и Владата на ВМРО-ДПМНЕ и коалицијата, додека се прославуваше и коваа планови за уште поголем успех на вториот повик планиран за крајот на ноември , студен туш пред почетокот на зимскиот ред на летање.Унгарската нискобуџетна авио- компанијата Визер, објави дека укинува три авиолинии од Скопскиот аеродро: за Келн, Копенхаген и Стокхолм.
Каков дебакл. Николовски само што најави три нови летови од скопскиот аеродром со компанијата Визерод нареднава пролет, а унгарската нискобуџетна авио-компанија веќе со стапување на сила на зимскиот распоред укинува три авиолинии.
Или, математички прецизно, како што милуваше да мудрува премиерот и шеф на Николовски:
3 – 3 = 0 нови авио линии на Визер од Скопје.
Да не бидеме малициозни, но ако сакаме да бидеме уште по прецизни, од укинувањето на летовите на Визер во зимскиот период, до почеток на летовите на новите линии на истата авиокомпанија, таму некаде од крајот на јуни, во период од 8 месеци, достигнувањето на Николовски во збогатувањето на редот на летање на скопскиот аеродро, барем што се однесува на нискобуџетниот Визер, преоѓа во негатива, и изнесува -3 ( и со зборови: минус три).
И уште малку математика: Соодносот помеѓу авио линиите кои ги опслужува унгарската нискобуџетна авио компанија Визер од аеродромите во Тирана и Скопје е 58: 34. Дополнително, тиранскиот аеродром во редот на летање го има и нискобуџетниот Рајанер.
Како илустрација на новонастанатата состојба во македонскиот авио сообраќај ќе парафразирам еден поранешен екскомунициран сопартиец на Николовски: Каменот од Будимпешта доаѓа.
Текстот е личен став на авторот
