Помеѓу активност и пасивност- реформите во Поглавје 23 e краток документ на политики и ги сумира главните наоди и препораки од Извештајот во сенка за Поглавје 23 за периодот од мај 2016 год до јануари 2018 год.
Документот е подготвен е од Институтот за европска политика и Хелсиншкиот комитет за човекови права.
Прегледот вклучува три различни периоди пред предвремените парламентарни избори на 11 декември 2016 година, транзицискиот период по изборите и пред формирањето на новата Влада на 31 мај 2017 година и периодот од изборот на новата Влада до крајот на јануари 2018 година.
Извештајот ги презентира клучните случувања во анализираниот период и дава препораки за политиките во секоја од областите од Поглавје 23.
Изработката на документот е овозможена со поддршка на Европската унија во рамките на проектот „Мрежа 23+“, што го имплементираат Институтот за европска политика (ЕПИ), Скопје и Хелсиншкиот комитет за човекови права.
Б.Ј.
