Бројот на жртвите во нападите на палестинскиот Хамас врз Израел кои започнаа во саботата надмина 1.200, речиси 3.000 луѓе се ранети, а судбината на 150 заробени и однесени во Појасот Газа се уште е нејасна.
МИА ги пренесува медиумите на хебрејски јазик кои доцна синоќа објавија дека бројот на загинатите во Израел надмина 1.000, додека безбедносните сили и доброволната организација Зака, која ги носи посмртните останки по терористичките напади и катастрофи, сè уште ги собираат телата на загинатите во населените области на југот на Израел.
Израелската армија утринава соопшти дека бројот на загинатите е зголемен.
Во израелските воздушни напади врз Појасот Газа и Западниот Брег загинаа 830 лица, соопштија локалните власти.
Израелското Министерство за здравство претходно соопшти дека во нападот се ранети 2.901 лице, а околу 500 се уште се во болници, од кои 26 се во критична состојба.
Во текот на изминатата ноќ, израелските воздухопловни сили погодија повеќе од 70 цели на Хамас во населбата Ал Туфах во градот Газа и воен објект на Исламскиот џихад.
Како што соопшти армијата, областа служела како „терористичко гнездо“ на Хамас и центар за извршување операции против Израел.
Набргу потоа, во јужните израелски градови во близина на Појасот Газа се огласија предупредувачки сирени за ракети.
Претходно, израелската армија ја погоди куќата на воениот портпарол на Хамас, Абу Обеид, во Појасот Газа.
Израел вети дека ќе се погрижи Хамас никогаш повеќе да не може да го повтори ненадејниот напад во саботата, за кој рече дека масакрираше стотици израелски цивили.
Израелската војска доцна синоќа изврши напади и во Сирија и Либан, откако истрела ракети и минофрлачки гранати во правец на северен Израел.
Хамас, исто така присутен во Либан, подоцна ја презеде одговорноста за ракетниот истрел, а либанскиот проирански Хезболах за противтенковскиот ракетен напад.
Како што пренерсуваат странските агенции, минофрлачки проектили подоцна беа истрелани од Сирија на Голанската висорамнина, а неколку преминаа на израелска територија и паднаа на отворено.
Немаше штети, а израелската армија одговори со артилериски оган.
Министерството за здравство со кое раководи Хамас соопшти дека околу 950 Палестинци се убиени, а уште 5.000 се ранети во израелските воздушни напади во Појасот Газа од саботата.
Израелските одбранбени сили соопштија дека убиле околу 1.500 палестински терористи на израелска територија откако Хамас почна напад врз израелските погранични заедници, убивајќи повеќе од 1.000 луѓе и заробувајќи уште десетици.
Министерството за здравство на Израел информира дека до денеска – на 3.007 повредени лица им била укажана медицинска помош во болниците низ Израел од почетокот на војната во саботата наутро.
Во овој момент, 471 остануваат во болница од кои 109 во тешка состојба.
Високиот комесар на ОН за човекови права Фолкер Турк упати итен повик до сите земји кои имаат влијание да преземат чекори за ублажување на ситуацијата во Израел и окупираните палестински територии.
Тој истакна дека меѓународното хуманитарно право мора да се почитува во сите околности.
„Сите страни мора да го почитуваат меѓународното хуманитарно право и мора веднаш да ги прекинат нападите насочени кон цивили, како и нападите што се очекува да предизвикаат смрт и повреда на цивили или оштетување на цивилни објекти“, рече Турк, според соопштението на ОН.
Високиот комесар рече дека е „длабоко шокиран и згрозен од извештаите за егзекуции на цивили и, во некои случаи, ужасни масовни убиства од страна на членови на палестински вооружени групи“.
Тој истакна дека меѓународното хуманитарно право мора да се почитува во сите околности.
„Сите страни мора да го почитуваат меѓународното хуманитарно право и мора веднаш да ги прекинат нападите насочени кон цивили, како и нападите што се очекува да предизвикаат смрт и повреда на цивили или оштетување на цивилни објекти“, рече Турк, според соопштението на ОН.
Високиот комесар рече дека е „длабоко шокиран и згрозен од извештаите за егзекуции на цивили и, во некои случаи, ужасни масовни убиства од страна на членови на палестински вооружени групи“.
„Застрашувачки е и длабоко вознемирувачки да се видат слики на заробени од палестински вооружени групи како малтретирани, како и извештаи за убиства и сквернавење на нивните тела“, рече тој, додавајќи дека цивилите никогаш не смеат да се користат како договори за пазарење.
Тој ги повика палестинските вооружени групи веднаш и безусловно да ги ослободат сите заробени цивили.
„Земењето заложници е забрането со меѓународното право“, предупреди високиот комесар.
Истакна дека од витално значење е секој што е лишен од слободата на окупираната палестинска територија и во Израел да се третира хумано.
Информациите собрани од Канцеларијата за човекови права на ОН покажуваат дека израелските воздушни операции, исто така, погодија големи станбени кули во Газа и други станбени згради низ Газа, училишта и просториите на агенцијата за помош и труд на ОН, што резултираше со цивилни жртви.
