Поголемиот дел од болниците во Газа, 18 од 35, престанаа да функционираат, според палестинското Министерство за здравство во Рамала, кое црпи бројки од територијата под контрола на Хамас, пренесува Си-Ен-Ен.
Од министерството за здравство наведуваат дека 71 отсто од сите установи за примарната здравствена заштита се затворени поради оштетување или недостаток на гориво, додавајќи дека болниците што остануваат отворени се ограничени во она што можат да го обезбедат и постепено ги затвораат своите одделенија.
Медицинскиот комплекс Ал-Шифа, најголемата медицинска установа во Газа, затвори шест операциони сали „поради несоодветност на залихи, вклучително и гориво“, се вели во соопштението.
Американската медицинска сестра од Лекари без граници, Емили Калахан, вчера изјави за Андерсон Купер на Си-Ен-Ен дека во Кан Јунис – градот во кој работеше среде војната пред да ја напушти Газа – има околу 35.000 внатрешно раселени лица кои живеат заедно со неа и нејзиниот тим.
„Имаше деца со големи изгореници по лицето, по вратот, по сите екстремитети“, рече Калахан, додавајќи дека додека болниците се повеќе се протегаат, пациентите брзо се отпуштаат во кампови без пристап до проточна вода.
Калахан рече дека во еден од камповите има 50.000 луѓе и четири тоалети. На жителите на кампот им се даваат два часа вода на секои 12 часа, додаде таа.
„Родителите ги носат своите деца кај нас, велејќи: „Ве молам, можете ли да помогнете, ве молам, дали можете да помогнете“, а ние немаме залихи“, рече таа, пренесува Си -Ен-Ен.
Д. Т.
