ВЕСТ НА ДЕНОТ: Чешка и Словачка го демантираат ВМРО ДПМНЕ за лажна вест: Никој од Скопје не влијаел на нашето вето
Амбасадорот на Словачка, Хенрик Маркуш, и заменик-амбасадорот на Чешка, Лубомир Пшенка, во заедничка изјава, велат дека не постои ентитет од Северна Македонија што влијаел на одлуките на Братислава и Прага да ги блокираат предлог-заклучоците на Советот на ЕУ за проширувањето, пренесува 360 степени.
„За жал, одредени ентитети од Северна Македонија почнаа да шират неточни информации дека влијаеле на донесувањето на одлуките на Прага и Братислава поврзани со процесите во самата ЕУ. Ниту чешката ниту словачката дипломатија се свесни за постоење лоби-напори од некои ентитети кои можеле да влијаат на процесот на донесување одлуки во Прага и во Братислава“, велат во изјавата словачкиот амбасадор и чешкиот заменик-амбасадор.
ЦИВИЛНИ АКТИВНОСТИ
(ВИДЕО) Актерката Владанка Димковска за Иницијативата на ЦИВИЛ „Обединети во различноста“
Маричиќ: Ќе има прочистување и ќе се одвојат чесните од нечесните „сваровски“ судии и обвинители
Шаќири: Државата треба прва да им помага на Ромите, а не странските донатори и невладиниот сектор
Адеми: Присуството на маргинилизираните лица во институциите нè учи да ги прифаќаме различностите
Наjчевска: Вината често и најлесно се префрла врз жртвата на дискриминација
Симовски: Нема да дозволиме политизација на пописот, јавноста треба да ги знае сите детали
ФЛЕШ ВЕСТИ
„Република Бугарија од секоја пратка на вакцини против Ковид-19, кои директно ги купиле од производителите, дел ќе донира и на нашата земја. Ова утрово беше одлучено на владината седница во Софија каде имав и свое обраќање“, соопшти министерот за здравство Венко Филипче.
На денешната прес-конференција Државната комисија за спречување корупција и судир на интереси извести дека по пријава од познат пријавител покренала постапка за утврдување на судир на интерес кај градоначалникот на Град Скопје, Петре Шилегов, кој склучил договор за консултантски услуги со своето адвокатско друштво. Шилегов бил повикан на разговор и по воочување на судирот на интереси го раскинал договорот со што ДКСК го затвора предметот.
Во следните две до три недели сите да бидеме крајно внимателни, апелираше денеска министерот за здравство Венко Филипче, кој рече дека има некакви позитивни приближувања, ќе се види дали е тоа почеток на крајот на епидемијата и затоа не смееме да ризикуваме уште еден силен бран.
Судењето за организаторите на настаните во Собранието од 27 април 2017 година продолжува на 25 декември, откако на денешното рочиште беа сослушани повеќе сведоци предложени од одбраната.
Апсолутно е јасна поддршката за нас од страна на сите преостанти 26 земји членки на ЕУ. Комуникацијата со официјална Софија продолжува во насока на изнаоѓање решение, имаме волја да продолжиме понатаму, да не изгубиме ниту еден ден, ниту билатералните прашања не треба да бидат пречка за европските процеси, па ниту изборите да бидат пречка за решавање на билатералните разлики, изјави денеска министерот за надворешни работи Бујар Османи.
СЛОБОДНА ЗОНА
„Начинот на кој Министерството за образование и наука се впушти во реформа на наставните програми за основното и средното школство во Македонија се чини како школски пример за тоа како НЕ ТРЕБА да се изведуваат овој вид на реформски зафати: прво да ги објавите суштинските решенија („новата концепција“, „интегрираните наставни програми“ и сл.) во реформите, а потоа да организирате консултативни средби со засегнатите страни (синдикати, професионални здруженија, невладини организации, надворешни експерти и тн.)“, пишува Сашо Орданоски во колумната „Образовна реформа „од заседа“?“.
„Дали пожарникарот е должен да гаси пожари само од 8 наутро до 4 навечер (или како им се веќе смените на овие невидливи херои на денешницата)? Дали пожарникарот по завршувањето на својата смена може да биде, да речеме, пироман? Одговорот на ова прашање се наметнува самиот по себе. Истата аналогија може да се направи и со оние што облекле војничка униформа и се заколнале дека ќе ги чуваат мирот и безбедноста на државата. Можат ли тие во работно време да бидат војници и офицери во армијата на својата земја, а по завршувањето на смената, да бидат нешто сосема друго, да речеме, политичари?“, пишува Џабир Дерала во „На полковникот нема кој да му пишува“.
„Мицкоски е полн со бисери и признанија кои потсвесно му избиваат на површината во неговите јавни настапи. Впрочем, не е единствен во партијата. На интервју на МТВ (21 декември), Мицкоски не можеше да побегне од својата потсвест, па го цитираше премиерот Зоран Заев“, коментира Џабир Дерала.
