ВЕСТ НА ДЕНОТ Претреси во становите на Јанакиевски и Груевски
Во Прилеп изутринава вршен е претрес на објект во сопственост на поранешниот министер за транспорт Миле Јанакиевски, а во Скопје се претресуваа станови на Никола Груевски, по налог на јавен обивнител.
Како што потврдува и шефицата на Обвинителството за гонење на организиран криминал и корупција, Вилма Русковска за „Слободен печат“, претресот на дополнителниот имот на Груевски е поврзан со предметот „Плацеви на Водно.“
ИЗЈАВА НА ДЕНОТ
Министерот за правда Бојан Маричиќ денес во Брисел се сретна со потпретседателката на Европската комисија за транспарентност и вредности Вера Јурова со која разговараше за реформите во Северна Македонија со фокус на оние во правосудството, владеењето на правото, но и за европските интеграции на земјата.
ЦИВИЛНИ АКТИВНОСТИ
ЦИВИЛ ќе одржи уште два бесплатни вебинари за граѓанско новинарство и медиумска писменост на 2 и 3 април (петок и сабота) со почеток во 13 часот. Вебинарите ќе траат до 17:00 часот.
Можност за учество имаат сите заинтересирани што сакаат да стекнат нови информации и вештини од областа на новинарството, медиумската писменост и начините на кои можат да се вклучат во работата на ЦИВИЛ.
СКЕН – политички видео магазин: Со пописот ќе се положи тестот за човечност
ФЛЕШ ВЕСТИ
БОЈКОТ Политичката партија Левица, како да се во сред изборна кампања, покрај кампањата на социлајните мрежи, веќе започнаа и теренска кампања, меѓутоа овојпат наместо изборна програма делат флаери за бојкот на пописот, односно ги повикуваат граѓан(к)ите да не отвoраат врата. Дали извршија кривично дело? – праша ЦИВИЛ во ЈО, но одговор не пристигна до затворање на ова издание на дневникот.
БЛОКАДИ Владата синоќа упати апел до пратениците кои ја блокираат работата на Собранието да се повлечат од тој деструктивен начин на дејствување, бидејќи со тоа носат сериозни штети за граѓаните и за државата.
АЛИЈАНСА Министрите за надворешни работи на НАТО на пладне ја започнаа првата седница од дводневниот состанок во Брисел. Ова е првата физичка средба на министрите за надворешни работи на НАТО од почетокот на пандемијата, Нна која учествува, за прв пат, министерот за надворешни работи на Северна Македонија, Бујар Османи.
ПРЕДЛОГ Во Годишниот извештај за Северна Македонија поднесен до Европскиот парламент (ЕП), кој ќе се најде на дневен ред пред европратениците утре и задутре (24 и 25 март 2021) да се додадат и амандмани кои се однесуваат на непримереното однесување и провокации на претставници на бугарските власти. Со таков предлог вчера излегле европратеници од Зелените и од Социјалистите, кои ги поднеле амандманите, јави бугарската агенција БГНЕС.
ОТЧЕТНОСТ Регионална канцеларија за младинска соработка (RYCO) во Северна Македонија одржа годишен онлајн настан на кој ги презентираше активностите кои ги спроведуваат во соработка со нивните партнери.
ЕКОНОМИЈА Ефикасен и транспарентен систем за јавни финансии е предуслов за економски раст на секоја држава
ОБРАЗОВАНИЕ Матурантите што ќе бидат во изолација ќе полагаат матура во друг испитен рок на крајот на јуни
СЛОБОДНА ЗОНА: ТАХИРИ ЗА ПОПИСОТ, ЗЕЌИРИ ЗА ЛАЖНИТЕ ВЕСТИ
„Повиците за бојкот на пописот се еднакво глупави и бесмислени и деструктивни, колку што се и наведените причини за истиот. Имено, за причина се наведува глобалната состојба со пандемијата на наше „локално“ ниво, дека граѓаните ќе бидат изложени на евентуално заразување со Ковид-19, кога ќе дојде попишувачот на врата. Дури, се собираа потписи против пописот, и тоа со физичко присуство, на коешто потпишување веројатно во улога на иницијатори и потпишувачи присуствувале луѓе со супер-моќи и супер – имуни на корона! А луѓето од дијаспората, во далечната „проклета да е Австралија“ и Канада, ќе се заразат онлајн?!? Лицемерието на иницијаторите на бојкотот не може да се измери, исто како и глупавоста, и нивна, и на послушните дијаспорци“, пишува Дијана Тахири во колумната Попис, што беше тоа?
„Пред пандемијата да го привлече глобалното внимание, гледавме стотици веб-страници кои ширеа лажни тврдења за здравјето. Сè, од тврдењата дека јадењето јами од кајсија може да го излечи ракот, до тврдењето дека вакцините се биолошко оружје дизајнирано за ширење смрт и болести. Само ако пребаруваме на гугл ќе се појават стотици веб-страници, некои со алармантни имиња, и на прв поглед изгледа дека се е испитувано и за се е дадено зелено светло“, вели Сафит Зеќири во Големата “галама” за 5Г мрежата.
Б. Јордановска
