ДРАГАН МИШЕВ
И вчерашниот и денешниот ден посетив пациенти и вчерашниот и денешниот ден ги запазив сите оние протоколи кои што ни беа апсолутно побарани од страна на медицинскиот персонал од страна на докторите, кажа премиерот Мицкоски во одговор на новинарски на новинарското прашање дали е примерно тоа што денеска ги посетил повредените пациенти од трагичниот пожар во Кочани, хоспитализирани во ГОБ „8 Септември“ Скопје, или тоа е злоупотреба на несреќата за пи-ар.
Кажа и излажа…
Ќе ги погледате денеска сите слики и ќе видите како јас сум влегол. Да, има и такви кои што влегуваа со камери и слично (како неговиот идолсеверно од Табановце), но како што видовте вие и вчера и денеска јас никаде не влегов со камери ниту имам намера да правам Пи-ар од сето ова…не е мојата цел никаков Пи- ар да правам. Не мора да објавувате како медиум ништо од ова што го зборувам, не мора да објавувате ниту една слика, ниту еден статус, тоа е ваш избор. Но, оставете ги вашите колеги (од подобните медиуми) да си ја вршат нивната работа и оставете ме мене да си ја вршам мојата работа (шетањето меѓу пациенти со изгореници без заштитна опрема тоа не е), одговори „мали Вучиќ“ од наше маало.
Ги погледнавме сликите, и…
Ако премиерот лаже, Инстаграм не лаже
Дојдовме до заклучок дека старата народна поговорка „ Ако козата лаже, рогот не лаже“ сега може комотно да се рекомпонира како „Ако премиерот лаже, Инстаграм не лаже“.
Имено, од објавените фотографии на ПР службата на Инстаграм профилот на премиерот Мицкоски и официјалните фотографии дистрибуирано од прес службата на Владата, јасно се гледа дека освен заштитни маски, премиерот со свитата не носат дополнителна медицинска заштитна опрема (заштитни мантили, капи, ракавици) …
Огледалце, огледалце мое, без заштитна опрема покажи ни кој е?
Дополнително, на една фотографија од прес-службата на Владата, во огледалото во болничката соба има одраз на човек, за кој не се знае во кое својство е таму и кој на себе нема никаква заштитна опрема, дури ниту заштитна маска, како со мобилен телефон ги фотографира премиерот и свитата.
Нешто подоцна, директорот на Фондот за здравство, Сашо Клековски, во разговор со уредникот на Телма, Боби Христовски, во обид да го заштити премиерот, тврдеше дека и тој и другите носеле заштитни мантили и други средства за влез кај повредените, што од фотографиите објавени од прес-службата на Владата јасно се гледа дека тоа не е така, напротив, сите се облечени во одела.
Единствено што имаат е заштитната маска…и ненаситна желба за Пи-ар промоција.
И за крај, уште една народна поговорка: Кој лаже…(довршете ја реченицата)
Текстот е личен став на авторот
