Три години по големиот сенароден митинг одржан на 17 мај, Македонија е сè уште исправена пред огромни предизвици. Голем број граѓанки и граѓани кои присуствуваа на митингот против режимската власт на Никола Груевски и фамилијата испратија порака дека граѓаните се подготвени да работат заедно на демократските вредности.
Во 2015 година граѓанките и граѓаните најавија: #Доаѓаме! одлучни дека постои само еден начин за решавање на политичката криза и за ослободување од деветгодишната диктатура на тогашниот премиерот Никола Груевски, дека постои само еден пат до слободата. Одлуката беше: Оставка на Груевски!
„Денеска дојдовме по нашата слобода!… Патеката е јасна: оставка, праведно судење, конфискација, затвор“, беше дел од говорот на Џабир Дерала, пред 100.000 граѓанки и граѓани кои тој ден се собраа и останаа формирајќи го Кампот на слободата #ЗбогумНикола.
По шеесет дена Кампот на слободата се крена, фронот остана. Денеска ЦИВИЛ сè уште останува на фронтот и не се повлекува. Борбата за слободно и демократстко општество не е завршена. ЦИВИЛ останува бескомпромисен и посветен на одбраната на човековите права и слободи, силно посветени и доследни во заложбите за слобода, правда и еднаквост.
Денеска, три години подоцна, 17 мај се чини како да најавуваше енормни промени во општественото и политичкото делување. Можеби ветуваше демократија и владеење на правото.
На 17 мај 2018 Македонија, се чини, дека единствените промени што ги доживеа се оставката на Груевски, промена на власта, но не и демократија.
Три години подоцна, демократијата и слободата уште се ослободуваат од прангите на десетгодишниот поробувач.
Биљана Јордановска
