Младински образовен форум организира промоција на пет истражувања од млади истражувачи која ќе се одржи на во вторник, 12 јуни, во Гем Клуб, со почеток во 12 часот.
Презентацијата ќе трае од 12 до 14 часот, а на неа младите истражувачи ќе ги презентираат наодите од своите истражувања на теми невработеноста на младите лица во Североисточниот регион – предизвици и проблеми, застапеноста на различните форми на сексуално вознемирување во Македонија, улогата на младите во спречување на дискриминацијата во образованието, анализа на условите за лицата со посебни потреби во рамките на средното и високото образование и зошто младите сакаат да си одат од Македонија и експлоративен пристап кон младинската емиграција во Македонија.
Истражувањата се дел од проектот „Oбразовни центри за советување и алумни стипендисти на Фондациите Отворено општество “, чија цел е да ги поврзе капацитетите и ресурсите на Младинскиот образовен форум со знаењето и искуството на алумни стипендистите на Фондациите Отворено општество.
Во проектот беа вклучени алумни стипендистите и експерти во областите, со цел да ги споделат своите знаења со младите кои за прв пат се занимаваат со општествено релевантни истражувања и заедно да придонесат во креирање квалитетни анализи кои ќе помогнат да се подобрат политиките или да се подигне свеста за важни прашања во Македонија.
МЛ
