Конзервативната Австриска народна партија (ОВП) во вторникот беше под зголемен притисок да ги прекине коалициските разговори со екстремно десничарската Партија на слободата (ФПО), бидејќи договорот за формирање на првата влада предводена од ФПО изгледаше сè поневеројатно, објави Ројтерс, пренесува ЦИВИЛ Медиа.
Евроскептичната, пријателска на Русија, ФПО, беше прва на парламентарните избори во септември со едвај 29 отсто од гласовите, но беше побарано да формира влада минатиот месец откако пропадна центристичкиот обид за формирање владејачка коалиција без неа.
ОВП е единствениот потенцијален партнер на ФПО. Нивните разговори, сепак, изгледаа во голема мера заглавени бидејќи се појавија детали за нивните политички несогласувања за прашања како имиграцијата, Европската унија и санкциите кон Русија, а ФПО инсистираше дека треба да ги контролира моќните министерства за финансии и внатрешни работи.
„Многу, многу е малку веројатно дека ќе успее“, изјави за весникот „Клајн цајтунг“ преговарачот за надворешна политика на ОВП, Рајнхолд Лопатка, исто така член на Европскиот парламент, додавајќи: „Нема многу смисла да се продолжи понатаму“.
Документ од 223 страници протекоа во текот на викендот, во кој се сумираат досегашните разговори, со точките договорени со зелено и точките на несогласување со црвено, покажа колку се оддалечени двете страни, дури и за имиграцијата, каде и двете заземаат тврд став.
Подготви: Д. Мишев
