Републиканците во Претставничкиот дом гласаа за да го блокираат објавувањето на извештајот на Етичкиот комитет за наводите за сексуално недолично однесување и употреба на недозволени дроги против Мет Гаец, изборот на новоизбраниот претседател Доналд Трамп за државен обвинител, поставувајќи можен уставен судир меѓу Домот и Сенатот.
Одделно, како што пренесува Њујорк тајмс, федералните истражители утврдија трага на плаќања од Гаец на жени, вклучително и некои кои сведочеа дека тој ги ангажирал за секс, според документот до кој дојде Тајмс и адвокатот што застапуваше некои од жените.
Документот покажува мрежа од илјадници долари во исплати на Венмо помеѓу Гаец и група негови пријатели, соработници и жени со кои имале секс забави поттикнати од дрога помеѓу 2017 и 2020 година, според сведочењето за кои се вели дека учесниците ги дале на федералните и конгресните истражителите.
Последно, Гаец, кој предходно омаловажи некои републикански сенатори чии гласови сега му требаат да биде потврденкако државен обвинител, вчера отиде во Капитол Хил за да ја добие поддршката од клучните членови. Сенаторот Џеј Ди Венс, новоизбраниот потпретседател, го воведе на состаноците.
Во ивој контекст, не толку одамна, номинираните за работни места на високо ниво требаше да бидат без прекор, до точка каде релативно мало даночно прашање можеше да ги попречи, пишува Карл Хулс во својата анализа. Но, времињата очигледно се менуваат.
За потсетување, одлуката на Трамп да го номинира Гаетц како иден државен обвинител е само дел од повеќето, најблаго кажано, контроверзни номинации на Трамп кои веќе почна да ги објавува како свој избор за кабинетот, како и други високи владини функционери и клучни советници за политика.
Некои од назначените од Трамп се искусни политичари, како што се сенаторот од Флорида Марко Рубио и поранешниот гувернер на Арканзас Мајк Хакаби, но неколку други – вклучувајќи го и најбогатиот човек на светот, контроверзниот сопственик на Х и Тесла, Илон Маск и водителот на Fox News, Пит Хегсет – никогаш предходно не биле избрани на јавна функција.
А откако во петокот Трамп објави дека антиваксерот со неортодоксни ставови за медицината, Роберт Ф. Кенеди Џуниор, кој нема ниту диплома за медицина или јавно здравје, ќе биде секретар за здравство и човечки услуги во неговата администрација, веќе вчера, како што објави Гардијан, Трамп го избра Мехмет Оз, најпознат по тоа што глумеше во неговото истоимено дневно ток-шоу повеќе од една деценија и силно наклонето кон Трампизмот за време на неговата неуспешна трка во 2022 година за место во Сенатот на Пенсилванија, да ги води Центрите за Медикер и Медикејд услуги (CMS). Кардиоторакалниот хирург, кој се соочи со огромна реакција од медицинската и научната заедница за ширење дезинформации во екот на пандемијата со „Ковид-19“, ќе ја надгледува агенцијата која работи со годишен буџет од 2,6 трилиони американски долари и обезбедува здравствена заштита на повеќе од 100 милиони луѓе.
Драган Мишев
