Руските окупатори уништија синагога во опколениот пристанишен град Мариупол, регионот Доњецк.
Веста за инцидентот на Телеграм ја објави советникот на градоначалникот на Мариупол, Петро Андриушченко, пренесува Укринформ.
„Тие уште еднаш го потврдија својот срамен статус на рашисти. Руските „ослободители“ уништуваат сè на нивниот пат и веќе ги надминаа нацистите по бројот на воени злосторства. Како и Германците за време на Втората светска војна, тие ги уништуваат зградите на еврејската заедница. Во Мариупол, руската армија ја уништи зградата на „старата синагога“ и центарот на заедницата. Вистински денешни варвари!“ гласи објавата на Андриушченко.
Руската агресија предизвика една од најголемите хуманитарни катастрофи во Мариупол. Градот е практично уништен со станбени згради, инфраструктурни објекти, училишта, болници, а претпријатијата се претворени во урнатини.
Во Мариупол нема соодветно снабдување со струја, вода и гас. Градоначалникот пријавил до 20.000 загинати цивили во градот од почетокот на руската инвазија. Од денеска во Мариупол останаа околу 100.000 граѓани.
Подготви: Д.Мишев
