На денешен ден во 1992 година започна опсадата на Сараево, главниот град на меѓународно признатата и независна Босна и Херцеговина. СДА Македонија на годишнината на опсадата на Сараево на социјалните мрежи посвети објава со фотографии.
Опсадата на Сараево траеше 1.425 дена. Просечно 329 проектили биле истрелани врз градот дневно.
Само на 22 јули 1993 година во Сараево во еден ден беа испукани 3.777 гранати.
Во тој период починале 11.541 лице, од кои 1.601 биле деца. Повеќе од 50.000 луѓе беа ранети.
Опсадата на Сараево започна со заземањето на меѓународниот аеродром од страна на Југословенската народна армија ноќта меѓу 4 и 5 април 1992 година, а заврши на 29 февруари 1996 година.
Тоа беше речиси четиригодишна блокада на главниот град, наречена „Опсада на Сараево“, се наведува во објавата на СДА Македонија.
Д. Т.
