Во денешното соопштение до јавноста, СДСМ информира за начинот на рекламирање кампањата на повеќе национални, регионални и локални телевизии, водејќи се од воспоставениот принцип на отчетност, одговорност и транспарентност.
„Вкупно 49.899 секунди платена политичка програма во двата изборни круга на Телевизија 24, што во вкупен износ, согласно објавениот ценовник на медиумот би изнесувало:73.602 евра.
Вкупно 35.463 секунди во двата изборни круга на Канал 5 што во вкупен износ, согласно објавениот ценовник на медиумот би изнесувало: 106.389 евра.
Вкупно 32.974 секунди во двата круга на Телевизија Сител, што во вкупен износ, согласно објавениот ценовник на медиумот би изнесувало: 155.637 евра.
Вкупно 27.447 секунди платена политичка програма во двата изборни круга на Телевизија Алсат М, што во вкупен износ, согласно објавениот ценовник на медиумот, би изнесувало: 71.249 евра.
Вкупно 19.825 секунди платена политичка програма во двата круга на Телевизија Телма, што во вкупен износ, согласно објавениот ценовник на медиумот, би изнесувало: 93.578 евра“, стои во соопштението на СДСМ.
И покрај тоа што СДСМ и коалицијата се рекламираше и на неколку регионални и локални телевизии, радио станици, интернет портали и печатени медиуми, во соопштението не се наведени конкретно за кои медиуми се работи и по кој ценовник се рекламирале во нив.
„Напоменуваме дека информациите што се појавија во одредени медиуми околу издвоените средства за медиумско рекламирање на СДСМ во предизборната кампања се однесуваат на доспеани и платени фактури до периодот за којшто се однесува поднесениот финансиски извештај доставен согласно законските прописи“, се вели во соопштението.
Сите трошоци на партијата за време на кампањата, по затворање на сметката ќе бидат внесени во финалниот извештај.