Локалните избори во Република Македонија сѐ уште не завршија, a нашите политичари веќе почна да дискутираат за наредните парламентарни избори.
На телевизиската дебата во емисијата „Клик Плус“ на ТВ 21-М , вчера вечерта гостуваа Мухамед Зеќири од СДСМ, Артан Груби од ДУИ, Ремзи Мехмеди од Алијансата за Албанците и Скендер Реџепи од Беса.
Во текот на дебатата учесниците се претставија и во улога на адвокати кои јавно ги бранеа коалициските партии, односно СДСМ и ДУИ од една, и Алијансата за Албанците и Беса, од друга страна. Иако актуелните партнери, до пред една година, меѓусебно се обвинуваа за криминални дејствија, за злоупотреба на позиции, за тајни врски со различни служби…
Ремзи Мехмеди од Алијансата за Албанците праша: „Дали коалицијата помеѓу СДСМ и ДУИ, која е постигната сега, ќе продолжи и на наредните парламентарни избори, со заеднички листи“?
На ова прашање, Мухамед Зеќири од СДСМ одговори дека можеби и Алијансата ќе биде поканета да учествува во таа широка коалиција, и дека таа коалиција ќе биде транспарентна и отворена за сите политички партии на коишто им е цел – прогресот на Македонија.
„Ние сме транспарентни и отворени за сите субјекти кои ќе се најдат во таква коалиција и зошто не, да нè обединат и заедничките нешта, за изборите по четири години. Нашата понуда е отворена за сите политички субјекти кои имаат цел да ја унапредат оваа земја”, рече Зеќири.
Од сè што (ни) се случува на политичката сцена во Македонија, и оваа дебата само ја потврдува максимата дека во политиката, навистина, сè е можно.
Фари Хисени
