Третиот претседателски кандидат, Синан Оган, ултра-националист чиј изборен успех во проценти е едноцифрен, напиша дека изборната трка најверојатно ќе продолжи со втор круг.
„Гледаме голема веројатност дека изборите ќе одат во вториот круг“, напиша Оган на Твитер.
Тој е гневен на оние што, наводно, се обиделе да спроведат јавен линч против него, мислејќи на опозицијата.
Seçimlerin ikinci tura kalmasını yüksek bir ihtimal olarak görüyoruz. Türk milliyetçileri ve Atatürkçüler bu seçimin kilidi konumundadır. Muharrem İnce’nin seçimlerden türlü baskılarla el çektirilmesinden sonra son iki gün bize saldırıp bizi haksız yere itham ederek linç…
— Dr. Sinan Oğan (@DrSinanOgan) May 14, 2023
„Турските националисти и кемалисти се клучот за овие избори. Оние што нѐ нападнаа во последните два дена, откако Мухарем Инџе беше отстранет од изборите со разни притисоци, нѐ обвинуваа неправедно и се обидоа да нѐ линчуваат, треба да извлечат многу поуки од оваа политичка слика!“, напиша Оган, мислејќи на Мухарем Инџе, кој се повлече од трката во четвртокот по, како што изјави, „кампањата со клевети“ против него.
Со преброени околу 85 отсто од гласачките ливчиња, Оган, инаку сојузник на претседателот Ердоган, има само околу 5 отсто од гласовите, според државната новинска агенција Анадолу.
Сепак, и таа ниска поддршка од гласачите го става Оган во позиција на кингмејкер доколку се оди на втор круг на претседателските избори во Турција.
Доколку кандидатите не успеат да освојат најмалку 50% и еден глас во првиот круг, се оди на втор круг на гласање. Во тој случај, вториот круг на гласање ќе се одржи две недели подоцна, односно на 28 мај.
Џ. Д.
