Битола, Струга, Зрновце, Новаци, Делчево, Градско, Берово, Македонски Брод, Ресен… се само дел од општините кои решија да ги украсуваат своите општини за граѓаните да ја почувствуваат новогодишната еуфорија.
Додека од Град Скопје сè уште немаат конкретен одговор дали ќе го украсат градот и дали ќе организираат новогодишна забава на плоштад „Македонија“, како во изминатите години, во неколку поголеми општини низ државата веќе почна украсувањето.
„Со тематска прес конференција ќе бидат најавени сите активности поврзани за новогодишната прослава со цел информирање на граѓаните“, кратко одговорија од Град Скопје на прашањето на Цивил Медиа – Дали оваа година е планирано украсување на градот?
НЕМА ДА УКРАСУВААТ
Општина Карпош
Оваа година Општина Карпош не планира украсување за новогодишните празници. За оваа намена воопшто не беа ни предвидени пари во буџетот за 2022 година. Една од причините е што општината беше во тешка финансиска положба со блокирана сметка до септември годинава, а втората причина е поради мерките за штедење.
Општина Чешиново – Облешево
Оваа година Општината нема да украсува за празниците од следните причини:– енергетска криза и– воспоставени мерки за штедење во општината поради енергетската криза.
Општина Долнени
Општина Долнени не планира да троши средства за време на криза за украсување за Нова Година. И без тоа имаме големи проблеми со финансиите да ги намириме и основните потреби на граѓаните на општината.
Општина Пласница
Општина Пласница ниту една година не ја украсува општината поради немање на финансиски средства, а нема ниту годинава.
Општина Босилово
Ве известуваме дека не планираме да ја украсуваме општината со цел заштеда на средства.
Општина Липково
Општина Липково, не планира украсување по повод празниците, нити тоа се случило во минатото.
Општина Дебарца
Општина Дебрца како и измените години нема предвидено средства за новогодишно украсување. И нема да украсува.
Општина Чаир
Општина Чаир годинава нема да биде украсена за новогодишните празници. Предвидените средства од општинскиот буџет за 2022 година, кои беа наменети за новогодишно украсување на општината, ги пренаменивме за плаќање на греењето во основните училишта и градинките.
ЌЕ УКРАСУВААТ
Општина Битола
Започна украсувањето на Битола, а наскоро градот ќе блесне во полн новогодишен сјај. Општината, како и минатата година и годинава ќе внесе нови содржини низ кои и во моменталните услови на економска и енергетска криза, граѓаните ќе можат да ја почувствуваат новогодишната радост.
Во однос на финансиските трошоци за оваа намена, сумата е непроменета 4 години, така што и годинава останува иста.
Општина Струга
Во рамки на Новогодишните празници на крајот на годината, општина Струга, приспособувајќи се кон заштедата на електрична енергија поради актуелната криза, ќе организира забавна програма за децата, со децата од градинките во градот, во која е вклученa и прошетка низ улиците на градот Струга со Дедо Мраз.
Исто така е предвиден и концерт за новогодишната ноќ, со реализација на општинското основно и средно музичко училиште. Украсувањето на градот ќе се врши со украси од претходните години и со поскромен буџет (кој ќе се гласа на следната седница на Советот на општината).
Ќе се украсува централниот дел на градот, вклучувајќи го и главниот мост.
Општина Делчево
Традиционално во овој период од годината и во пресрет на новогодишните и божиќните празници, Општина Делчево започнува со украсување на главните улици во градот со цел да се збогати новогодишната атмосфера. Украсувањето со новогодишни светилки и реквизити се врши со постоечките новогодишни украси, набавени претходните години, бидејќи за оваа 2022 година во Буџетот на Општина Делчево се скратени сите непродуктивни трошоци, па во таа смисла, во Буџетот нема предвидено средства за новогодишно украсување на градот.
Новогодишното украсување на улиците, објектите и домовите, има посебна традиција и порака и дава придонес за поттикнување на позитивното, надежта и вербата дека новата година ќе испишува позитивни страници, а воедно на најмладите, да не им се скратува новогодишната бајка.
Општина Градско
Општина Градско ќе украсува по повод Новогодишните празници, но нема да се потрошат финансиски средства бидејќи украсите се наша сопственост, и нема да се надополнуваат нови.
Општина Зрновце
Општина Зрновци ќе направи скромно Новогодишно украсување со користење на старите реквизити и за таа намена нема да користи финансиски средства поради намерата за штедење на финансиските средства на општината.
Општина Македонски Брод
Поради економската криза Општина Мкедонски Брод планира да го украси минимално градскиот плоштад и тоа со реквизити преостанати од минатата година и за истото не планира финансиски сретства за украсување.
Општина Новаци
Да, скромно е украсена општинската зграда и дворот на општината. За таа намена во буџетот беа планирани 290.000 денари, но издвоени се 159.000 денари.
Општина Ресен
Оваа година веќе е реализирано новогодишното укрсување на центарот на Општина Ресен. Според објавен тендер склучен е договор со компанијата Грин Веј Дооел- Скопје и издвоени се средства во вредност од 342.200 денари.
Општина Берово
Општина Гостивар
Поради финанциските потешкотиите од енергетската криза не се знае дали ќе се одвојат средства за украсување по повод на новогодишните празници. Ако има украсување на улиците на општина Гостивар, ќе биде скромно украсување и со материјали од претходните години.
ЦИВИЛ ги праша сите општини во Северна Македонија дали оваа година планираат да ја украсат нивната општина и до објавување на текстот пристигнати се одговорите од горенаведените општини. Во наредниот период ќе бидат објавени и одговорите на останатите општини кои ќе се одзват на нашето прашање.
Општина Велес
Општина Велес ќе биде новогодишно украсена и во тек се подготовките кои треба да завршат деновиве. За оваа намена се одвоени 300.000 денари со ДДВ и по пат на јавна набавка е одбрана фирмата која ќе го врши украсувањето. Делумно ќе се искористат постоечки украси, а ќе бидат поставени и нови.
Општина Македонска Каменица
Оваа година планираме скромно да ја украсиме нашата Општина, со украсите што ги користевме претходните години. Поради економската криза сакаме да потрошиме колку што може помалку средства и немаме издвоено посебни средства за таа намена.
Општина Гевгелија
Во однос на украсувањето, Општина Гевгелија оваа година нема да потроши средства, бидејќи располага со сопствена постоечка опрема за украсување. На овој потег се решивме поради ситуацијата со енергетската криза и расходите кои се остваруваат како резултат на кризата. Затоа во соработка со јавните претпријатија градот ќе биде уредно украсен со сопствената опрема, со која располагаме.
Општина Крива Паланка
Блескава новогодишна атмосфера го осветли градот, за нови насмевки, радост и незаборавни моменти за време на највеселите празнични денови што претстојат.
-Детски радосни лица, исполнети со среќа срца и мигови за паметење – за тоа сме тука, и ние во општината, но и нашинците на кои при срце им е татковината, рече градоначалникот Сашко Митовски.
Тој посака сјајот во детските очи и убавата енергија во мислите на граѓаните бидат единствена слика на нашата убава Крива Паланка.
-Секогаш е задоволство кога тоа што го работиме, го работиме со љубов. Работиме со срце за Крива Паланка, додаде Митовски.
Тој упати благодарност до иселениците од градот,од Франција, Германија и Соединетите Американски држави, кои овозможуваат и во услови на енергетска криза градот да биде празнично украсен.
Благодарност за несебичната помош на “ГДР” компани, Франција и вработените, Горанчо Јакимовски и “Феникс Фенетрес”, Франција, “Селект кафе”, “Етно гостилница Воденица три”, Крива Паланка, Дени Јовановски и “МАК БАУ”, Даниел Ѓоргиевски, “Селект One Inc”.
Без средства од општинскиот буџет, водени од минатогодишното искуство, радоста на граѓаните, позитивните реакции на жителите и посетителите, одговорните од општината повторно ја донесоа, благодарение на иселениците, празничната атмосфера во градот.
Се е подготвено и наскоро ќе отпочне и новогодишниот базар на централниот градски плоштад, со културно – уметничка програма за сите генерации.
Општина Стумица
Општина Струмица започна со новогодишното украсување, но само на градскиот плоштад, место кое што ги спојува сите граѓани.
Ова украсување ќе биде скромно, колку да се почувствува празничната атмосфера, а за кое од буџетот на Општината се издвоени 400.000 денари. Доброволно ќе се вклучат и неколку приватни компании за да го збогатат новогодишниот изглед на плоштадот.
Наместо посебна фирма, украсувањето го врши општинското јавно претпријатие „Паркиралишта Струмица“.
Општина Могила
Украсено е само пред општинската зграда. За таа намена имаме набавено само сијалички, фактура со 12.000 денари.
Општина Штип
Општина Струмица започна со новогодишното украсување, но само на градскиот плоштад, место кое што ги спојува сите граѓани.
Ова украсување ќе биде скромно, колку да се почувствува празничната атмосфера, а за кое од буџетот на Општината се издвоени 400.000 денари. Доброволно ќе се вклучат и неколку приватни компании за да го збогатат новогодишниот изглед на плоштадот.
Наместо посебна фирма, украсувањето го врши општинското јавно претпријатие „Паркиралишта Струмица“.
Дехран Муратов
