Хибридните напади, сајбер нападите и заканите се современото оружје каде жртвите можеби физички не се гледаат, но сепак настанува пореметување на целиот систем, а Северна Македонија изминатиот период е предмет на многу вакви закани, кои засега влијаат само психолошки на граѓаните, вели за ЦИВИЛ медиа министерката за одбрана Славјанка Петровска.
– Ние во министерството имаме еден сегмент, а тоа е сајбер одбраната каде сме максимално посветени, а во буџетот се одвоени доволен број на средства со кои ќе направиме континуирано зајакнување на капацитетите и софтверските алатки како и инвестиција во човековите ресурси, додава таа.
Како што вели Петровска, засега за контролите во трговските центри, па и во училиштата поради заканите со бомби полицијата има доволно капацитети за да проверка и не се јавила потреба да бидат ангажирани припадници на Армијата, но сепак како што додава во својата новогодишна порака, Армијата е секогаш тука за граѓаните да се чувствуваат сигурни и безбедни.
Северна Македонија втора година е дел од НАТО Алијансата и како што вели Петровска тоа не значи само прдобивки за земјата туку и активен придонес како преку учество во мисиите така и преку развој на националните капацитети.
-Во Криволак бевме домаќини на 4600 воени лица припадници на земји членки на Алијансата и со тоа во земјава се одржа една од најголемите воени вежби, каде и нашите војници ги покажаа на дело своите способности, вели Петровска.
За развој на капацитетите на одбраната потребни се финансии, а според министерката буџетот е најважната алатка на секое министерство, вклучително и на Владата во која се рефлектираат и политиките и плановите за наредната година, особено е важно плановите да продолжат во Министерството за одбрана за да се развиваат капацитетите на Армијата.
Во реални бројки финансиите одвоени за Министерството за одбрана се 294 милиони евра што е еден од најголемите буџети на поединечните министерства, еден дел че биде наменете за плати и надоместоци, а особено е вано што се обезбедени средства за последните измени на Законот за служба во Армијата со кој ќе се подобрат условите и стандардот на вработените, појаснува Петровска.
Во реални бројки финансиите одвоени за Министерството за одбрана се 294 милиони евра што е еден од најголемите буџети на поединечните министерства, еден дел че биде наменете за плати и надоместоци, а особено е вано што се обезбедени средства за последните измени на Законот за служба во Армијата со кој ќе се подобрат условите и стандардот на вработените, појаснува Петровска.Таа додава дека над 30 проценти од финансиите ќе се уптребат за модернизација, како на објектите, така и на стандардите и опремата.
Разговараше/ Соња Танеска
Видео и фото/ Ариан Мехмети и Александар Ризински
