Како што Украина влегува во својата втора година живеејќи под целосно руско бомбардирање, и ние го имаме народот на Украина во нашите срца и умови за овој ужасен период во историјата на нивната нација. Многу сме тажни за оваа годишнина, рече на почетокот на своето обраќање заменичката на Амбасадорот на Обединетото Кралство, Jулиja Смит на конференција „Украина – година на хероизмот“, на невладината организација за човекови права и слободи, ЦИВИЛ – Центар за слобода и Амбасадата на Украина во Република Северна Македонија.
Рускиот режим постојано ја потценува Украина, и решителноста на украинскиот народ. На почетокот на инвазијата, Русија мислеше дека за само три дена ќе ја преплави и заземе Украина, вели Смит.
Велам дека ние ги чуваме во срцата и мислите Украинците во овие ужасни времиња во нивната историја. Го цениме решеноста и отпорноста и стручноста на украинската армија која што ја турна Русија подалеку од тоа што очекуваше Путин, кој длабоко го потцени меѓународното заедништво кое испрати силна поддршка за Украина, додаде таа.
Таа нагласи дека Обединетото Кралство и неговите партнери стојат обединети во поддршката на Украина, и ќе продолжат со поддршката за да обезбедат Русија да ги повлече своите сили од Украина и да одговара за своите постапки.
Обединетото Кралство и нашите партнери се поактивни со нашата воена поддршка, да помогне во изградбата на силна Украина за да се обезбеди просперитетен мир, вели Смит.
Таа нагласи дека Обединетото Кралство е водечки донатор како одговор на кризата – вкупната економска и Хуманитарната поддршка е над 1,5 милијарди фунти. ОК има издадено 218.500 визи за луѓето кои бегаат од конфликтот во Украина преку нашите две визни рути.
Минатата година Обединетото Кралство обезбеди: 2,3 милијарди фунти воена помош за Украина – најголема пакет за поддршка на која било европска нација и втор по САД. Ќе ја изедначиме или надминеме нашата воена поддршка во 2023 година. Исто така испративме многу од потребната воена опрема и обезбедивме обука за Украинците војници.
ОК има санкционирано речиси 1.300 поединци поради инвазијата, вклучително и над 120 руски олигарси со проценета глобална нето вредност од над 140 милијарди фунти, и 20 руски банки со глобални средства во вредност од над 940 милијарди фунти, како одговор на Путиновата инвазија на Украина. Вкупно, над 18 милијарди фунти имот се замрзнати во ОК.
Ќе продолжиме да ја поддржуваме украинската влада во соочувањето со овој напад врз суверенитетот и територијалниот интегритет на Украина. Обединетото Кралство и меѓународната заедница застануваат против оваа агресија и на страната на слобода, демократијата и суверенитетот на народите ширум светот, истакна заменичката на Амбасадорот на Обединетото Кралство, Jулиja Смит.
М. Д
Камера: Атанас Петровски / Александар Ризински
Монтажа: Ариан Мехмети
Фото: Ангел Ангеловски