„Ова количество оружје кое вчера беше запленето на Косово од напаѓачите, заедно со 20 џипови, немаше шанси да постои без знаење на Безбедносно-информативната агенција на Србија и самиот Александар Вучиќ. И нема шанси да влезат во Косово без знаење и поддршка на Србија и нејзиниот господар Александар Вучиќ, бидејќи тоа е најконтролираната територија/граница на Србија. Спротивното би значело дека во Србија секој може да има таква мини-армија без државата да знае ништо за тоа“, пишува Чедомир Стојковиќ, претседател на Здружението на граѓани „Slobodarski savez slobodne Srbije – GRUPA OKTOBAR“ на својот Твтер (X) профил.
„Драмата и солзите што ги изложи Александар Вучиќ на вчерашната прес-конференција сведочат за тоа дека тој знаел за таа група, дека активностите на таа група биле дел од неговиот план и дека најверојатно познавал некои нејзини членови.
Тие негови вчерашни емотивни реакции на конференцијата беа насочени кон загинатите во таа вооружена организација, кои веројатно ги знаеше. Тој синоќа знаеше дека бројот на загинати е поголем од 3, а дека е од 7 до 10. И тоа одби да им го каже на граѓаните на Србија, а пред се на семејствата чии мажи починаа вчера.
Александар Вучиќ на вчерашната прес-конференција јасно кажа дека Србија ги има прислушуваните разговори на косовската полиција на северот на Косово и дека сето тоа го слушале! Исто така, вчера мораа и секако ги слушаа овие напаѓачи што ги организираа. Снимките од нивната комуникација не сакаше да ги сподели со нас. А од нив јасно ќе видиме кој што организирал.
Има само една разлика помеѓу воинот Александар Вучиќ 1991-1999 и воинот Александар Вучиќ 2012-2023: – овој денес е на власт, па може ова да го работи посуптилно и со помош на службите што ги командува.
„Србија на Запад“ беше насловот на неодамнешното видео на странска амбасада, во кое се појавија претставници на властите“, вели Стојковиќ, дополнувајќи го постот со видео прилог од запленететото оружје.
📢
Ova količina oružja koja je juče zaplenjena na Kosovu od napadača, zajedno sa 20 džipova, nije imala nikakve šanse da postoji bez znanja Bezbednosno informativne agencije Srbije i lično aleksandra vučića. A na Kosovo nema šanse da uđu bez znanja i podrške Srbije i gospodara… pic.twitter.com/jefnyKRyk8— Advokat Čedomir Stojković 🇷🇸🇺🇦 (@FIGHT_4_RIGHT_S) September 25, 2023
