Досега, владата на САД има откриено повеќе од 300 доверливи документи кај Доналд Трамп откако тој ја напушти функцијата, пренесува Њу Јорк Тајмс.
Степенот до кој толку голем број високо чувствителни документи останаа во Мар-а-Лаго со месеци, дури и кога Министерството за правда бараше враќање на целиот материјал што требаше да биде оставен во владение на Владата на САД кога Трамп ја напушти функцијата, им сугерира на официјалните лица дека поранешниот претседател или неговите соработници не соработувале целосно со инспекторите.
Специфичната природа на чувствителниот материјал што Трамп го зеде од Белата куќа останува нејасна. Но, во 15-те кутии што ги предал во архивата во јануари имало документи од Ц.И.А., Агенцијата за национална безбедност и Ф.Б.И. кои опфаќаат различни теми од национален безбедносен интерес, рече лице информирано за ова прашање.
Меѓу предметите за кои официјалните лица знаеле дека недостасуваат се оригиналните писма на Трамп од севернокорејскиот диктатор Ким Џонг-ун и белешката што Барак Обама ја оставил пред да замине од Белата куќа.
Федералниот судија кој го потпиша налогот за овластување за претрес на резиденцијата на Трамп во Флорида и наложи на владата вчера да предложи измени на запечатената изјава користена за оправдување на претресот, велејќи дека тој и понатаму е склон да објавува делови од неа.
Подготви: Д.Мишев
