ТЕМА НА ДЕНОТ
Битка за Трајко Славевски
Претседателката Гордана Сиљановска Давкова го предложи проф. д-р Трајко Славески за нов гувернер на Народната банка. Професорот на Економскиот факултет во Скопје Трајко Славески беше меѓу тројцата најсериозни кандидати кои се спомнуваа, покрај актуелната гувернерка Анита Ангеловска-Бежоска, и поранешниот министер за финансии Зоран Ставрески. Мандатот на Ангеловска Бежоска истекува утре.
Пратеничката група на ВМРО-ДПМНЕ ќе даде поддршка за предлогот Трајко Славески да биде иден гувернер, изјави денеска премиерот Христијан Мицкоски.
„Сметаме дека изборот е исклучиво теснопартиски, не е избор којшто ќе понуди експерт на позицијата гувернер на Народната банка, што било традиција во изминатите години. Од претседател на Советот на град Скопје доаѓа како гувренер на Народната банка, тоа е првата работа. Втората причина е што тој е човек којшто се спротивставува на растот на минималната плата, на економски политики коишто се за доброто на граѓаните. Тој беше најголемиот противник, велеше дека дури 9.000 денари е голема минимална плата“, велат од СДСМ.
За овој избор на Славевски пишува и новинарот Љубомир Костовски во „Толку од самостојноста на претседателката“, велејќи дека на Славевски главна одлика е слепата послушност на позицијата претседавал на Советот на град Скопје и таа ролја се очекува да продолжи и натаму
ИЗЈАВА НА ДЕНОТ
Филипче: Со ново задолжување од 6 милијарди евра јавниот долг ќе надмине 115% од БДП
„Очигледно е дека тие договори ќе бидат нетранспарентни и во четири очи. Министерката за финансии вели дека ќе се спроведува постапка согласно Законот за јавни набавки, но со странски фирми. Ние направивме проверка – нема да важи законот за јавни набавки“, истакна тој, посочувајќи дека „ВМРО-ДПМНЕ, партијата која седум години критикуваше за корупциски договори, сега самата создава простор за сериозни сомнежи“, изјави Венко Филипче, претседател на СДСМ.
РЕГИОН
Пицула: Настапите на Вучиќ стануваат се по бизарни, ја води земјата до карикатуралност
„Настапите на Александар Вучиќ стануваат сè побизарни, до степен што тој очигледно ја губи контролата врз одредени сегменти во самата Србија. Секако, сите го обвинуваат Александар Вучиќ за длабоката поларизација во која се наоѓа земјата со месеци. Сите, освен него и луѓето со кои е опкружен“, изјави специјалниот известувач за Србија, Тонино Пицула.
СВЕТ
Светот соочен со највисоко ниво на насилство во последните децении
Според проценките на Глобалниот индекс на мирот, во 50-те земји, имало најмалку 56 активни конфликти – еден од најголемите од 1946 година – „со помалку конфликти решени, или воено или преку мировни договори“. Единствената година што ја надмина бројката од 56 беше 2023 година, во која се регистрирани 59 вооружени конфликти, според одредени проценки.
ПРАШАЊЕ НА ДЕНОТ: Што мислите за програмата на телевизиите?
СЛОБОДНА ЗОНА
„Во поглед на изградбата, одбраната и прифаќањето на демократските вредности, демократските актери покажуваат разочарувачки резултати – особено кога станува збор за различноста, инклузијата и универзалната примена на човековите права. Тие зборуваат во флоскули – празни фрази и помодарски зборови. Прават сè за да ги избегнат непријатните вистини и не реагираат со храброст или интегритет на клучните и моралните прашања на нашето време. Со сето тоа, тие оставаат празнина – лесно и брзо исполнета од авторитарни центри на моќ кои виреат врз основа на популистичката реторика и нудат заводливи, поедноставени одговори на комплексни општествени проблеми“, пишува Џабир Дерала во „Молк во костуми“.
Подготви: Б. Јордановска
