Во знак на сеќавање на 5 октомври 1966 година, кога е усвоена Препораката на Меѓународната организација на трудот – МОТ и на УНЕСКО, во врска со статусот на учителите/наставниците, во 1994 година овој ден е прогласен за Светски ден на учителите.
Education International – EI, Меѓународен сојуз на синдикатите во областа на образованието со седиште во Брисел, оваа година ќе го одбележи денот под мотото: „Taking the lead“ со 24 часа онлајн програма во живо со учество на учители, наставници и синдикални претставници од целиот свет.
Учителите имаат значајна улога во детскиот развој преку нивниот придонес во образувањето и воспитувањето, преку менторирање. мотивирање и афирмација на знаењето што им го пренесуваат на децата. Но, нивната улога на педагози и воспитувачи е подеднакво важна и во улогата на пријатели на учениците и заштитници на креативниот и интелектуален развој на младите генерации.
Пандемијата со Ковид-19 и условите за живот што ги наметна за заштита на здравјето како врвен приоритет, имаше огромно влијание и на тоа како ќе функционира образовниот систем без попатно да крахира.
На 1 октомври започна учебната година со комбинирана настава, онлајн и со физичко присуство, со протоколи за заштита од корона вирусот согласно препораките на Комисијата за заразни болести. Министерството за образование и наука изготви и Национална платфрома за онлајн настава, која уште во самиот старт покажа низа недоследности. Средношколците излегоа на протести, а наставниците поделени околу крајниот успех и знаење со кое ќе се стекнат учениците следејќи настава во домашни услови.
По под Светскиот ден на учителите одвојуваме неколку содржини на тема образование објавени на ЦИВИЛ Медиа:
За образование по мерка на детето
Блажевска, наставничка во основно училиште: Со заедничка работа до поквалитетна онлајн настава
Реџепи, професор во средно училиште: Онлајн наставната програма е лесна за користење
