Претседателот на САД, Доналд Трамп, наложи Министерството за одбрана да биде именувано како Министерство за војна, пренесува Би-би-си.
Тој ќе потпише извршна наредба во петок за Министерството за одбрана да го користи новото име како секундарна титула, а министерот за одбрана Пит Хегсет да биде именуван како Министер за војна.
Пентагон – кој ги надгледува вооружените служби на САД – е наследник на Министерството за војна, кое првично беше основано како агенција на ниво на кабинет во 1789 година и постоеше до 1947 година.
Одговорноста за создавање извршни оддели е на Конгресот на САД, што значи дека ќе биде потребен амандман за законска промена на името на одделот.
Би-Би-Си имаше увид во текстот на извршната наредба, во која се вели: „Името „Министерство за војна“ пренесува посилна порака за подготвеност и решителност во споредба со „Министерство за одбрана“, кое нагласува само одбранбени способности.“
Во обид да се „проектира сила и решителност“, наредбата ги овластува министерот за одбрана, неговиот оддел и подредените службеници да ги користат новите титули како секундарни имиња.
Наредбата, исто така, му наложува на Хегсет да препорача и да вклучи законодавни и извршни мерки за да се премине кон трајно преименување на одделот, бидејќи Трамп не може формално да го промени името без одобрение од Конгресот.
Д. Мишев
