ЦИВИЛ ги повикува сите граѓанки и граѓани да пријавуваат случаи на различни облици на кршење на човековите права и слободи, лажни вести и говор на омраза, како и низа други негативни појави, политики и практики. Во овој прилог е објавен формуларот за пријава, како и детали за активностите и кампањите на Организацијата.
ЦИВИЛ како организација за човекови права и слободи веќе со години се ангажира во борбата против лажните вести, дезинформациите и говорот на омразата. Анализите и прогнозите во Организацијата упатуваа на тоа дека во периодот пред одржување на предвремените парламентарни избори, но и во постизборниот период, општеството ќе се соочи со црната кампања. Општо земено, важните интеграциски и реформски процеси и настани често ги придружуваат пропагандни активности на центрите на моќта чии цели се спротивни на стратешките интереси Република Северна Македонија.
ПРИЈАВА
ЦРНА ПРОПАГАНДА Во политичката пропаганда во Северна Македонија се бележат најразлични облици својствени и на хибридните закани врз демократијата, како што се продукцијата и ширењето на лажните вести и дезинформациите, како и поттикнување на говорот на омразата и повикување на насилство врз основа на политичка, етничка, верска, родова или друга припадност. Оттаму, очигледна беше потребата да се зајакнат активностите на ЦИВИЛ во оваа сфера, со цел да се зајакне јавната свест за овие појави.
ПРИЈАВА
МОНИТОРИНГ ДЕСК Како дел од поширокиот тим за мониторинг на ЦИВИЛ, се формира и посебен Мониторинг деск за следење на лажните вести, дезинформациите и говорот на омразата на социјалните мрежи и во медиумите. Воедно, драгоцена беше комуникацијата и соработката со граѓанките и граѓаните, па така и во овој период организацијата беше отворена за нивните пријави.
ПРИЈАВА
МЕДИУМСКИОТ и истражувачкиот тим на ЦИВИЛ секојдневно објавуваат извештаи за своите наоди за ширењето на лажните вести и говорот на омразата, ги откриваат и разобличуваат изворите и дистрибутерите на деструктивното дејствување. Само една од многуте информативни медиумски содржини е видео прилогот Рефлектор. Овие теми се застапени и на прес конференциите на ЦИВИЛ кои се одржаа во овој период, а кои се објавени на видео каналот на ЦИВИЛ.
Креативните тимови собрани околу организацијата подготвија и објавија повеќе аудио и видео спотови на медиумската платформа на ЦИВИЛ, како и на низа други национални и локални електронски медиуми и во дневниот весник „Слободен печат“. Тие се достапни за преземање и споделување.
Во своите јавни настапи, ЦИВИЛ постојано порачува: Не чекајте! Помогнете му на македонското општество да се справи со негативните појави, политики и практики кои се спротивни на демократските стандарди и човековите права и слободи!
Аудио спотови
Аудио прилози (емисии)
