„Американскиот претседател, Џо Бајден со својот декрет, извршна наредба, практично им даде црвен картон на сите криминалци, корумпирани политичари, политички партии кои се националистички, ектстремни, радикални структури во земјите на Западен Балкан, па така и во Северна Македонија. Тоа се воени хушкачи и структури кои промовираат говор на омраза и негирање на суштински важни меѓународни документи како што е Преспанскиот договор, Охридскиот договор, Дејтонскиот договор во БиХ и други договори кои се таксативно наведени во извршната наредба на американскиот Претседател. Според таа наредба, им се замрзнува имотот и им се забранува влез во САД на политичарите кои се противат на овие договори или ги дестабилизираат своите држави и воопшто регионот“, истакна Џабир Дерала во живо.
„Ова е црвен картон кој мора да послужи како многу сериозно предупредување за оние кои решиле преку криминални или воено хушкачки активности да дојдат до власт. Корупцијата исто така е наведена таму, се наведува дека дел од институциите и различни влади во Западен Балкан се корумпирани, дека корупцијата е широко распространета и дека таа ќе наиде на сериозни мерки од американската администрација.
Тоа е црвен картон кој доаѓа од Вашингтон, но црвениот картон нема да биде доволно ефективен доколку и ние како граѓан(к)и, како општества, не им дадеме црвен картон на воените хушхачи и на криминалците во политиката“, истакна Дерала.
ЦИВИЛ продолжува со своите активности, дебати, панел дискусии за клучни теми во општеството, веќе утре има панел дискусија „Младите и европски вредности“. На таа панел дискусија панелистите ќе зборуваат за европските вредности и за практикувањето на тие вредности. Младите се тие кои треба да направат позитивна промена и да го занемерат тоа што го правеа луѓето од повозрасната генерација кои во многу нешта го нарушија квалитетот на живеењето.
На 15 јуни, ЦИВИЛ ќе одржи настан за хибридните напади/закани против демократијата.
На вчерашната дебата на ЦИВИЛ панелистите истакаа дека европските вредности се возможна мисија. Истото го нагласија и вицепремиерот Артан Груби и координаторот за интеркултурализам Роберт Алаѓозовски кои беа дел од настанот на ЦИВИЛ пред една недела.
Дехран Муратов
монтажа: Ариан Мехмети
