Владата на вчерашната седница донесе одлука да се скрати работното време на угостителските објекти до 21 часот, освен за достава и шалтерска продажба на храна.
„Оваа одлука важи и за угостителските објекти на бензинските станици, а исклучени се угостителските објекти на ТАВ аеродромите во Скопје и Охрид и хотелските ресторани за гостите кои се сместени во хотелите“, соопштуваат од Влада.
На седницата, беше донесена и одлуката за забрана за групирање на повеќе од четири лица на јавен простор после 21 часот.
Владата усвои препорака за сите домашни и странски граѓани на територијата на Северна Македонија, после 21:00 часот да не се движат на јавен простор, доколку немаат важни и неопходни потреби.
Владата донесе и препорака за граѓаните да не се групираат во домовите по повод семејни прослави, слави или други собири во групи поголеми од четири лица, кои не живеат во иста заедница.
