Годишнина од почетокот на руската инвазија врз Украина. Земјата е во 366. ден војна.
Ова се главните теми кои го одбележаа денешниот ден.
Американскиот претседател Џо Бајден на годишнината од почетокот на војната во Украина изјави дека рускиот претседател Владимир Путин пред една година мислел дека брзо ќе го освои Кијив, но потоа дозна за храброста на Украина и железната волја на нациите во светот.
Германскиот канцелар Олаф Шолц денеска изјави дека рускиот претседател Владимир Путин нема да ги постигне своите цели во Украина, една година откако московските трупи ја нападнаа земјата.
САД најавија нов пакет воена помош за Украина во вредност од две милијарди долари, изјави советникот за национална безбедност на Белата куќа, Џејк Саливан.
Русија мора да одговара за воените злосторства во Украина велат од НАТО алијансата. Северноатлантската Алијанса денеска се оквалификува како „одлучна“ во својата поддршка на Украина и нагласија дека „пропаѓаат руските напори да ја наруши решителноста на храбриот народ на Украина“.
Украинскиот министер за одбрана Олексеј Резников денеска изјави дека неговите сили прават планови да ги потиснат руските трупи од земјата, една година откако Русија ја започна својата целосна инвазија.
ЕУ и Брисел денеска со низа настани ја одбележана годишнината од почетокот на руската инвазија на Украина, а во оваа прилика се очекуваат говори на претставници на ЕУ, меѓу кои и претседателката на Европската комисија, Урсула фон дер Лајен, која денеска е во Естонија на денот на прогласувањето на естонската декларација за независност.
Полска и ги испорача првите борбени тенкови „Леопард 2“ од германско производство на Украина, објавија денеска полските медиуми, на годишнината од руската инвазија.
САД денеска најавија нов пакет опсежни санкции кон Русија поради нејзината инвазија на Украина, кои имаат за цел ослабување на нејзината економија и зајакнување на напорите за сузбивање на способноста на Москва да ги избегне постоечките ограничувања.
Генералниот секретар на НАТО Јенс Столтенберг изрази скептицизам во врска со планот на Кина да стави крај на војната во Украина, тврдејќи дека Пекинг „нема многу кредибилитет“.
Велика Британија денеска, на годишнината од почетокот на рускиот напад врз Украина, воведе нови санкции против Москва кои се однесуваат на 92 физички лица и субјекти, вклучително и забрана за извоз на сите производи што можат да се користат на бојно поле.
На првата годишнина од целосната инвазија на Русија на Украина, претседателот Володимир Зеленски им додели државни награди, им додели почесни титули на воениот персонал и цивилите и им ги предаде борбените знамиња на воените единици на вооружените сили и јуришните бригади на Офанзивната гарда.
Американскиот државен секретар Ентони Блинкен денеска соопшти дека во руската инвазија на Украина загинале десетици илјади луѓе, а милиони се повредени.
Русија веќе изгуби околу 146.820 војници во Украина (+970 во изминатиот ден).
Во рамките на иницијативата за зачувување на културното наследство на Украина, при американското Биро за образование и култура, САД најавија седум милиони долари помош за поддршка на напорите на Украина да го заштити своето културно наследство.
Подготви: А. Ристески
Текстот е личен став на Авторот. Преземено од ФРОНТЛАЈН.
