Републиканскиот сенатор Том Тилис, ги отфрли коментарите на претседателот Доналд Трамп кој го обвинува украинскиот претседател Володимир Зеленски за војната во Украина и издаде предупредување дека рускиот претседател Владимир Путин е „канцер“ на кој не може да му се даде „никаков простор“.
Затоа, кога ви кажувам дека Владимир Путин е лажго, убиец и одговорен за систематско мачење, киднапирање и силување на недолжни цивили, верувајте ми, бидејќи доказите се високи една миља, вели Том Тилис, покажувајќи слики од руските воени злосторства во Украина, во видео објавено на Си-ен-ен.
Со последната објава на сенаторот Тилис, расне бројот на видни републикански конгресмени кои се спротивставија на лажното тврдење на претседателот Трамп во кое ја обвинува Украина за почеток на војната. Пенс се придружи на растечкиот број републикански сенатори кои се спротвставија на погрешните тврдења на Трамп за руската агресија врз Украина.
Вчера, поранешниот потпретседател, републиканецот Мајк Пенс, како и пред него републиканските сенатори Роџер Викер од Мисисипи исенаторот Џон Кенеди од Луизијана, го критикуваа рускиот претседател Владимир Путин и се чини дека се спротивставија на претседателот Доналд Трамп во врска со преговорите за мировниот договор за ставање крај на војната во Украина.
Драган Мишев
