На почетокот на првата посета на британскиот премиер Кир Стармер на Белата куќа, при средбата со американскиот претседател Доналд Трамп, премиерот на Обединетото Карлство му го предаде писмото од кралот по што Трамп ја прифати „невидената“ покана од кралот Чарлс Трети за втора државна посета, додавајќи дека ќе му биде „чест“ да ја посети „фантастичната земја“, објави Би-би-си, пренесува ЦИВИЛ Медиа.
Во однос на руската војна во Украина, зборувајќи со новинарите пред денешната средба со Зеленски, Трамп рече дека мисли оти договор за прекин на огнот ќе биде договорен „наскоро“ или „нема да биде воопшто“. Тој, исто така, посочи дека договорот за минерали со Украина ќе ги одврати идните руски напади врз земјата, но тој договор допрва треба да се договори.
Трамп се наврати на неговите неодамнешни коментари во кои го нарече украинскиот претседател како „диктатор“. На прашањето на дописникот на Би-Би-Си, Крис Мејсон за неговата употреба на зборот за да го опише Зеленски, тој одговори:
„Дали јас го кажав тоа? Не можам да верувам дека би го рекол тоа. Следно прашање“.
На почетокот на нивната заедничка прес-конференција, Трамп го нарече Стармер „многу тежок преговарач“, додавајќи дека „заработил што и да му платат таму“. За тоа дали премиерот на ОК го убедил својот колега да не воведува трговски тарифи за ОК, Трамп додаде „тој се обидел“
Но, говорејќи за време на посетата на премиерот на Белата куќа, Трамп предвиде „вистински трговски договор“ со кој Обединетото Кралство би можело да го избегне видот на тарифи што претседателот им се заканува на некои од другите трговски партнери на САД.
Трговскиот договор меѓу САД и Велика Британија може да се случи „многу брзо“, рече претседателот Доналд Трамп на заедничката прес-конференција со Сер Кир Стармер.
Подоцна, Трамп треба да се сретне со Зеленски во Вашингтон, каде што двајцата ќе склучат – и потенцијално ќе потпишат – многу дискутиран договор за минерали
Нејзините услови се договорени, но Зеленски се залага за додавање на украинските безбедносни гаранции, нешто со што Трамп вели дека треба да се занимава Европа – еве што знаеме за договорот
Драган Мишев
