Претседателкатата на Либерално Демократската Партија, Моника Зајкова, во интервју за ЦивилМедиа во одговор на прашањата ги изнесе своите ставови и размислувања за тековните случувања на домашната и меѓународната политичка сцена.
На почетокот, во врска со актуелното прашање за внатрепартиските состојби со кои се бара вонреден конгрес и смена на раководството на ЛДП, истакна дека Централниот одбор едногласно донел одлука партијата да настапува независно во Парламентот, и дека ќе поддржат се што е добро за граѓаните и во духот на либерално демократските вредности, и повика на натпревар на идеи во корист на граѓаните и развој на либералната демократија, наместо препукувања по медиумите.
Во одговор на прашањето на ЦивилМедиа за ревидираните проценки на Светска банка за раст на земјава пкако и за историски највисокиот буџет на државата што го проектира Владата на 6,5 милијарди евра, изтакна дека не е воодушевена од висината и централизираноста на Буџетот, и изрази надеж дека ќе се остварат проекциите на министерството за финансии и Владата за доброто на граѓаните.
Зајкова понатаму истакна дека ЛДП е партија која не отстапува од своите европски политики и дека понудиле предлози за излез од евроинтегративниот ќорсокак во кој се наоѓа земјата, истовремено нагласувајќи дека не би шпекулирала со временска рамка за уставните измени.
Во однос на нејзиното учество на најголемиот политички настан во светот годинава, како член на делегацијата на Мисијата на ПС на ОБСЕ за набљудување на изборите во САД, истакна дека според она што го видела таму е развиена демократијата на највисоко ниво, a за победата на Трамп, за која не смета дека ќе има промена на политиката кон нашата земја и Западен Балкан воопшто, вели дека е резултат токму на таа развиен демократија.
На прешањето за ставовите на Трамп за Украина, лидерката на ЛДП истакна дека и предходно се покажало дека не секогаш тоа што се збори во предизборна кампања понатаму се остварува, додека во однос на поддршката и помошта која ја пружа Северна Македонија на Украина, Зајкова истакна дека таа продолжува и дека таа како пратеничка неуморно ќе се бори во Парламентот за во иднина така и да остане.
Разговорот го водеше: Драган Мишев
Камера и монтажа: Ариан Мехмети
