Двајцата највисоки републикански пратеници кои ги водат надзорните комисии на Пентагон во Конгресот на САД, во средата издадоа ретко, заедничко соопштение во кое алармираат за потенцијално потресување на командите на американската војска од страна на администрацијата на Трамп, објави Ројтерс, пренесува ЦИВИЛ Медиа.
Во соопштението од канцелариите на сенаторот Роџер Викер и на претставникот Мајк Роџерс се цитираат извештаи во печатот, вклучително и дека администрацијата на Трамп размислува да се откаже од улогата на САД како врховен командант на НАТО во Европа.
Позицијата, која ги надгледува сите операции на НАТО во Европа, е пополнета од американски генерал со четири ѕвезди од нејзиното создавање во 1950 година. Извори запознаени со ова прашање велат за Ројтерс дека таквата можност е дискутирана, но на крајот можеби нема да биде остварлива и дека нема никакво соопштение.
„Нема да прифатиме значајни промени во нашата структура за борби кои се направени без ригорозен меѓуагенциски процес, координација со борбените команданти и Здружениот штаб и соработка со Конгресот“, рекоа Викер и Роџерс во изјавата.
„Таквите потези ризикуваат да го поткопаат американското одвраќање низ целиот свет и да ги намалат нашите преговарачки позиции со американските противници.
Ен-Би-Си Њуз најпрво го објави можното откажување на САД од работата на SACEUR, како што е позната позицијата, и рече дека тоа би можело да биде претставено како дел од поширокото намалување на трошоците во воените команди што може да доведе до консолидирање на неколку позиции.
Сепак, секој чекор да се оддалечи од Европа би предизвикал дополнителен сомнеж кај американските сојузници во НАТО за обврските на САД за европската безбедност под претседателот Доналд Трамп.
Зближувањето на Трамп со Русија веќе ги стави на работ сојузниците во НАТО, како и предупредувањата на САД дека европската безбедност повеќе не може да биде примарен фокус на Вашингтон.
Д. Мишев
