• Latest
Фотомонтажа: Д.Мишев/ЦивилМедиа

Високите руски функционери спасот од стресот поради неуспесите во војната го најдоа во алкохолот

June 19, 2023

Изборна хроника: Средби со граѓани, чистење депонии, народни собири, претставување програми – саботни активности на кандидатите за градоначалници

October 4, 2025
Фото: Скриншот од видео на ВВС

Хамас и Израел пред пресврт: Дали планот на Трамп носи вистински мир или само нова преговарачка етапа?

October 4, 2025

Протестен марш за Палестина во Скопје: „Не смееме да молчиме за Палестина“

October 4, 2025
Gaza war (Image by hosny salah from Pixabay)

Бројот на жртви во Газа надмина 67.000

October 4, 2025
Фото илустрација: Генерирано со ВИ

Чешка одржа парламентарни избори

October 4, 2025

Триесет лица повредени во рускиот напад врз железничката станица Шостка во областа Суми

October 4, 2025

Бугарија прогласи вонредна состојба долж брегот на Црното Море поради катастрофалните поплави, три лица загинати

October 4, 2025

Тридневна меѓународна конференција за демократија и хибридни закани наредната недела во Скопје

October 4, 2025

ЕУ ги продолжи за една година санкциите против лица одговорни за руските хибридни закани

October 4, 2025

ОЈО Штип поднесе обвинение против петмина за убиство на турски државјанин

October 4, 2025
CivilMedia
  • ДОМА
  • ВЕСТИ
  • ПОЛИТИКА
  • ИЗБОРИ
  • ОПШТЕСТВО
  • СЛОБОДНА ЗОНА
  • АНАЛИЗИ
  • РЕГИОН
  • СВЕТ
  • ВОЈНА ВО УКРАИНА
No Result
View All Result
  • ДОМА
  • ВЕСТИ
  • ПОЛИТИКА
  • ИЗБОРИ
  • ОПШТЕСТВО
  • СЛОБОДНА ЗОНА
  • АНАЛИЗИ
  • РЕГИОН
  • СВЕТ
  • ВОЈНА ВО УКРАИНА
No Result
View All Result
CivilMedia
No Result
View All Result
Home КОНФЛИКТИ ВОЈНА ВО УКРАИНА

Високите руски функционери спасот од стресот поради неуспесите во војната го најдоа во алкохолот

June 19, 2023 14:44
in ВЕСТИ, ВОЈНА ВО УКРАИНА, СВЕТ, ТОП 5
Фотомонтажа: Д.Мишев/ЦивилМедиа

Фотомонтажа: Д.Мишев/ЦивилМедиа

Share on FacebookShare on Twitter

Во 18-те месеци од почетокот на целосната руска инвазија на Украина, највисоките руски функционери, политичари и влијателни бизнисмени поврзани со владата значително го зголемија консумирањето алкохол како доминантен метод за бегство од реалноста и како средство за справување со стресот предизвикан од санкциите и тековната војна, открива независниот руски медија аутлет „Верстка“.

Високи членови на руската влада сé почесто се појавуваат пијани на состаноци откако предходно испиле поголеми количини вотка, коњак и вино во текот на денот. Истовремено, Кремљ го удвои додатокот за вино за руските функционери за да го ублажи стресот од контраофанзивата на Украина. Сега на официјалните банкети им следуваат по две шишиња по лице.

Неименувани извори за веб-страницата за вести „Верстка“ во егзил, изјавија дека претставници на руската влада се започнале интензивно да пијат коњак во текот на денот и да се појавуваат на состаноци пијани и мрзливи.

Верстка цитираше еден од изворите:

„Не секој го започнуваше денот со чаша вотка, но сега познавам многу повеќе луѓе кои го прават тоа. За некои, чашата се претвори во шише“.

Забележано е особено зголемување на пиењето меѓу руските владини претставници од март, кога Украина почна да зборува за својата планирана контраофанзива и Путин беше ставен на листата на барани лица на Меѓународниот кривичен суд, тврдат изворите.

Приказните за прекумерно пиење меѓу елитата се споредуваат со извештаите дека купувањата на вотка и антидепресиви се зголемија откако Путин нареди инвазија на Украина минатата година.

Во меѓувреме, Михаил Мурашко, рускиот министер за здравство, ја повика јавноста да пие помалку по смртта на најмалку 36 луѓе во централна Русија овој месец , откако испиле јаболковина загадена со метанол.

Според Верстка, владините претставници не покажуваат знаци на забавување на сопствената потрошувачка на алкохолни пијалаци поради тврдењата дека „пропуштаат или прекинуваат состаноци, користат нелегални супстанции и присуствуваат на настани додека се пијани“.

„Гувернерите прескокнуваат состаноци и се препуштаат на забранети супстанции“, забележал еден извор. Состаноците се нарушени, а тие присуствуваат на настани во алкохолизирана состојба. Гостите од Москва порано го презираа прекумерното пиење во другите региони, но сега пијат како да нема утре“.

Друг соговорник го опиша трендот на следниов начин:

„Па, да го поставиме вака: во претседателската администрација речиси сите го започнуваа денот со шолја вотка. Познавам многу такви луѓе, а за некои чашката (сега) се претвори во шише“.

Верстка контактираше неколку конкретни случаи на службеници кои развиле значително зголемен афинитет за алкохол. Гувернерот на регион во Централниот федерален округ на Русија веќе беше познат како пијач, но според изворот на Верска, тој во последно време целосно излегол од шините.

„Денот започнува со неговото лоцирање или со обид да го разбудиме со телефонски повици“, се жали изворот.

„Има дури и лице на кое им е доделена одговорност за претресот. По формалното појавување на утринските состаноци, каде што гувернерот само „го одржува изгледот“ и седи таму како статуа, регионалниот лидер продолжува на ручек, неизбежно придружен со значителна количина алкохол.
„Од тој момент, тој не се отрезнува. Типично, тој ја поминува цела ноќ во ресторан или бања во градот“, наведува изворот.

Додека бил во алкохолизирана состојба, гувернерот постојано слушал специфичен сет на песни, вклучувајќи советски песни кои ја слават победата, бендот Љубе (познат како омилена група на Путин) и „расположиви криминални балади“.

„Тој пиеше, но не вака“, изјави за „Верстка“ близок соработник на функционерот, припишувајќи ги „неуспесите“ на службеникот на „нервозата од вестите, како и притисокот од Кремљ и локалните елити“.

Вицегувернерот на еден регион на Урал направи изненадувачки искрено откритие за време на ноќниот разговор со новинарите од Верстка. Тој призна дека се зголемила консумацијата на алкохол од почетокот на војната, изјавувајќи дека само пиењето на друштвени собири за да се ослободи од стресот повеќе не му е доволно и дека чувствува потреба да се „фати“ потоа.

Веродостојноста на гласините за алкохолизам на поранешниот руски претседател Дмитриј Медведев е сомнителна, но повеќе извори за Верстка дадоа цврсти изјави во врска со навиките за пиење на заменик-шефот на Советот за безбедност.

Фото: news.obozrevatel.com

Два извори на публикацијата се согласија дека Медведев лично пишува објави на својот Телеграмканал за земји „уништени од владетели на темнината, корумпирани лидери, манкурти и ѓаволи“, често додека е под дејство на алкохол.

Понатаму, Верстка објави дека Медведев произведува домашна ракија на својот имот во Плесо во Вологдската област и ужива да им подарува шишиња од него на владини претставници и странски лидери.

Во април 2022 година, „пијаната“ портпаролка на руското МНР, Марија Захарова, на официјална прес-конференција изјави дека украинскиот борш е причина за војна и е пример за ксенофобија, нацизам и екстремизам.

„Тие сакаа боршот да припаѓа на една нација за да не можат домаќинките да го подготват на свој начин“ , изјави Захарова во очигледна алкохолизирана состојба.

Post 2 containing the translation followed my first post 1…unless they have taken it down as put nothing past them.
The link to the translation is below.https://t.co/sTbCmHZDdI

— Stefan Krywawych (@StefanKrywawych) April 10, 2022

Освен тоа, почнувајќи од март 2023 година, особено по вестите за претстојната контраофанзива на Украина и по налогот за апсење издаден по рускиот претседател Владимир Путин, официјалните лица и елитите покажаа наклоност кон посилни алкохолни пијалоци.

Три извори на Верстка од московските власти, парламентот и претседателската администрација го потврдија ова. Според еден, сега стана вообичаено да се купува „значително количество ракија, вотка и виски“ на собири, дури и на оние на кои присуствуваат жени.

„Дури и највисоките функционери почнаа да пијат без двоумење“, открил изворот.

Дури и за време на официјалните државни банкети, нивото на консумирање алкохол што се смета за дозволено бележи неодамнешно зголемување, при што упатените во Кремљ ѝ открија на Верстка дека нормата сега се движи помеѓу едно и пол до две шишиња по лице. Ова претставува забележително поместување од претходната строга граница од едно шише по лице.

Што се однесува до самиот руски диктатор Владимир Путин, врз основа на достапните медиумски информации, тој е познат дека пие лесно, ако воопшто пие.

„Ќе ви кажам повеќе, тој има силна одбивност кон оние што пијат, кон пијаниците и кон луѓето кои не се свежи наутро“, изјави за „Верстка“ извор близок до Кремљ.

Претходните написи на Медуза, исто така, ја истакнаа загриженоста на Путин за поединци во неговиот внатрешен круг кои прибегнуваат кон алкохол како средство за справување со стресот предизвикан од санкциите и тековната војна.

Генерално, алкохолот се појави како доминантен метод за бегство од реалноста за руските високи функционери и елитата.

Драган Мишев

 

 

Print Friendly, PDF & Email
Tags: АлкохолВладимир Путинруска агресија врз Украинаруски функционери
Share33Tweet21Send

НАЈЧИТАНИ 5

  • Крвава кампања во Виница: Кандидат за советник брутално претепан за да се откаже од листата на ВМРО-ДПМНЕ

    149 shares
    Share 60 Tweet 37
  • Говор на омраза и сексизам кон кандидатка за советничка на ВМРО-ДПМНЕ, ЦИВИЛ со осуда

    143 shares
    Share 57 Tweet 36
  • (ВИДЕО) Еди Рама пред Макрон и Алиев му се потсмева на Трамп: Треба да ни честитате, тој го заврши конфликтот меѓу нас

    108 shares
    Share 43 Tweet 27
  • ИЗБОРНА ХРОНИКА: Мицкоски од Вевчани за „црвените линии“ на Филипче, ВЛЕН со конвенција „Еден глас“ во Скопје, Герасимовски од СДСМ вети бесплатни часови за учениците во Центар

    96 shares
    Share 38 Tweet 24
  • Прв приговор до ДИК: СДСМ Штип против Јорданов и ВМРО-ДПМНЕ за злоупотреба на јавни ресурси

    89 shares
    Share 36 Tweet 22
CivilMedia

СЛОБОДНО.НЕЗАВИСНО.ОТВОРЕНО

  • ЗА НАС
  • ИМПРЕСУМ
  • КОНТАКТ
  • АВТОРСКИ ПРАВА
  • Политика на приватност
  • МАРКЕТИНГ

Следете нè

No Result
View All Result
  • ДОМА
  • ВЕСТИ
  • ПОЛИТИКА
  • СЛОБОДНА ЗОНА
  • АНАЛИЗИ
  • РЕГИОН
  • СВЕТ
  • ВОЈНА ВО УКРАИНА
  • ДЕЗИНФО
  • ФОРУМ
  • ГРАЃАНСКА АКЦИЈА
  • МАРКЕТИНГ
  • ИМПРЕСУМ