Вицепремиерот задолжен за европски прашања, Бојан Маричиќ денеска во Брисел го отвори објаснувачкиот скрининг состанок за Поглавје 21 и 14: „Трансевропски мрежи“ и „Транспортна политика“, од Кластерот 4, „Зелена агенда и одржлива поврзаност“.
Кластерот 4 ги опфаќа Поглавјата 14, „Транспортна политика“, 15, „Енергетика“, 21 „Трансевропска мрежа“ и Поглавјето 27, „Животна средина и климатски промени“, кои во периодот од 15-ти до 20-ти март ќе бидат презентирани пред македонскиот преговарачки тим како дел од новиот корпус на европското законодавство, донесено во периодот по 2018/19 година.
На отворањето на Кластерот 4 како дел од проектот „Нордиска поддршка за напредок во Северна Македонија“ за подобрување на комуникација за процесот на пристапување во ЕУ присутвува група новинари од Северна Македонија.
Проектот е во соработка на Секретаријатот за европски прашања поддржан од шведската Влада.
Утре на агендата е продолжеток на скринингот за Поглавјето 21, заедно со Поглавјето 15, „Енергетика“.
Н. Абдурахмани
