• Latest
Сефер Тахири (фото: Б. Јордановска / ЦИВИЛ)

Влада на големите очекувања

June 24, 2024

Изборна хроника: Средби со граѓани, чистење депонии, народни собири, претставување програми – саботни активности на кандидатите за градоначалници

October 4, 2025
Фото: Скриншот од видео на ВВС

Хамас и Израел пред пресврт: Дали планот на Трамп носи вистински мир или само нова преговарачка етапа?

October 4, 2025

Протестен марш за Палестина во Скопје: „Не смееме да молчиме за Палестина“

October 4, 2025
Gaza war (Image by hosny salah from Pixabay)

Бројот на жртви во Газа надмина 67.000

October 4, 2025
Фото илустрација: Генерирано со ВИ

Чешка одржа парламентарни избори

October 4, 2025

Триесет лица повредени во рускиот напад врз железничката станица Шостка во областа Суми

October 4, 2025

Бугарија прогласи вонредна состојба долж брегот на Црното Море поради катастрофалните поплави, три лица загинати

October 4, 2025

Тридневна меѓународна конференција за демократија и хибридни закани наредната недела во Скопје

October 4, 2025

ЕУ ги продолжи за една година санкциите против лица одговорни за руските хибридни закани

October 4, 2025

ОЈО Штип поднесе обвинение против петмина за убиство на турски државјанин

October 4, 2025
CivilMedia
  • ДОМА
  • ВЕСТИ
  • ПОЛИТИКА
  • ИЗБОРИ
  • ОПШТЕСТВО
  • СЛОБОДНА ЗОНА
  • АНАЛИЗИ
  • РЕГИОН
  • СВЕТ
  • ВОЈНА ВО УКРАИНА
No Result
View All Result
  • ДОМА
  • ВЕСТИ
  • ПОЛИТИКА
  • ИЗБОРИ
  • ОПШТЕСТВО
  • СЛОБОДНА ЗОНА
  • АНАЛИЗИ
  • РЕГИОН
  • СВЕТ
  • ВОЈНА ВО УКРАИНА
No Result
View All Result
CivilMedia
No Result
View All Result
Home СЛОБОДНА ЗОНА

Влада на големите очекувања

June 24, 2024 11:19
in АНАЛИЗИ, ПОЛИТИКА, СЛОБОДНА ЗОНА, ТОП 5
Сефер Тахири (фото: Б. Јордановска / ЦИВИЛ)

Сефер Тахири (фото: Б. Јордановска / ЦИВИЛ)

Share on FacebookShare on Twitter
  • Граѓаните ја казнуваа доста остро владата на СДСМ и ДУИ.  Очекуваа многу повеќе во заживувањето на реформите, затоа што ветувањата беа многу големи
  • Разрешувањето на Судскиот совет и на Советот на обвинители е најавено решение од страна на новата влада! На прв поглед недоволно, но треба да се даде време
  • Се најавува укинување на „Балансерот„. „Компетентноста пред припадноста„ рече Мицкоски, но компетентноста е важна исто како и припадноста

СЕФЕР ТАХИРИ

ЦИВИЛ МЕДИА

Секоја влада во земјата се само-промовира како реформаторска и ветува дека ќе се залага за економски и демократски развој, но и за ефикасен правен систем, кој ќе обезбедува казнивост на криминалот и корупцијата. На организираниот криминал и на високата корупција!

Првата влада на Никола Кљусев иако беше експертска, ветуваше реформи. Така беше и со Бранко Црвенковски, кои ги водеше две влади, во 1992 и во 1994.

Љубчо Георгиевски и ВМРО-ДПМНЕ во 1998 година дојдоа на власт со слоганот „Промени за Македонија„!

По конфликтот во 2001 година и постигнувањето на Охридскиот договор, на чело на владата доаѓа пак Бранко Црвенковски и како по обичај со ветувања за големи реформи во општествениот систем.

Очигледно малку се остваруваа реформите од страна на владата на СДСМ, бидејќи во 2006 на голема врата во политиката се враќа ВМРО-ДПМНЕ на чело со Никола Груевски.

Поголемиот дел од граѓаните под водство на власта на Груевски, поминаа повеќе од една тешка деценија, во којашто преживеаја многу кризни моменти, политички притисоци, монтирани процеси и страв за иднината на земјата.

По 11 години, на власт се враќа СДСМ на чело со надежниот лидер, Зоран Заев и со клучна поддршка на граѓанскиот сектор познат под Шарена револуција. Новата влада дојде со паролата „Нема правда, нема мир„ и со голема надеж дека ќе прави брзи реформи заради јавниот интерес.

Премалку се остваруваше реформирањето на судскиот систем и на обвинителството, на јавната и државната администрација, со борбата против организираниот криминал и корупцијата, со реформирањето на здравството, образованието и медиумите.

Граѓаните го казнуваа доста остро нереформаторските резултати на владата на СДСМ и ДУИ. Очекуваа многу повеќе на планот на заживување на реформите, затоа што ветувањата беа многу големи и убедливи.

Заев призна дека имаме судии кои испраќаа СМС пораки до поранешната власт, во кои бесрамно ги нудеа своите услуги!

Поранешниот американски амбасадор во Тирана Доналд Лу им рече на албанските судии да се изјаснат како си ги купиле рачните часовници коишто чинат над 10 илјади евра и додаде дека доколку земале мито во работењето треба да се откажат од својата професија.

Власта на СДСМ не преземаше ниту еден одлучувачки чекор кој ќе го реформира судскиот систем. Беше формиран Совет на експерти за реформи во судството, но тој не профункционира. За жал, им ги зголеми платите на судиите и обвинителите за 78 %, а довербата во неа од страна на граѓаните е под 5 %!

Разрешувањето на Судскиот совет и на Советот на обвинители е најавено решение од власта! На прв поглед недоволно, но треба да се даде време за да се види како ќе се реформира правосудството.

Владата ќе се соочи и со реформите во администрацијата! Наместо рационализација, новата власт нуди реорганизација, која подразбира зголемување на министерствата.

Ниту еден конкретен чекор не е преземен од поранешната власт во реформирање на администрацијата. Не е намален бројот од 160 илјади службеници, кои во една мала земја како е вон секаков нормален статистички параметар.

Се најавува укинување на „Балансерот„ но за негова замена треба да се изнаоѓа соодветно решение. „Компетентноста пред припадноста„ рече Мицкоски, но секако дека компетентноста е важна но и припадноста. Според ова логика во комунизмот, на почетокот на плурализмот Албанците беа застапени со 2 % во администрацијата.

Во која и да е државна канцеларија или во која било државна институција да се обратат граѓаните, иако веќе не сме во комунизмот, но наводно сме во парламентарна демократија, се соочуваме со шалтери, коишто и физички го потчинуваат граѓанинот!

Реформите инат големи суми пари, но промената на односот, една насмевка на лицето кон обичниот граѓанин е голема реформа која треба да се случи и којашто не чини пари! Не се потребни ни ИПА фондови, ни ИПАРД или други европски фондови.

Мицкоски и неговата партија дојдоа на власт со големи ветувања. Уште пред да седне на премиерската фотелја истакнува дека „состојбата е лоша„. Но, токму затоа што не е добра му дадоа доверба. И во иднина граѓаните нема да го прифаќаат изговорот дека има последици од поранешната власт. Како што немаа толеранција кон апологијата на социјалдемократите дека „виновен за кризата е режимот на Груевски и узурпација на државните институции од страна на ВМРО-ДПМНЕ„.

Очекувања од новата влада се преголеми. Плуралистичката историја докажува дека ако не остваруваат ветувањата, разочарувањето може да биде исто така големо.


Проф. д-р Сефер Тахири е универзитетски професор. 


Специјално за ЦИВИЛ МЕДИА. Текстот е личен став на Авторот.
Print Friendly, PDF & Email
Tags: владаВМРО-ДПМНЕреформи
Share33Tweet21Send

НАЈЧИТАНИ 5

  • Крвава кампања во Виница: Кандидат за советник брутално претепан за да се откаже од листата на ВМРО-ДПМНЕ

    149 shares
    Share 60 Tweet 37
  • Говор на омраза и сексизам кон кандидатка за советничка на ВМРО-ДПМНЕ, ЦИВИЛ со осуда

    143 shares
    Share 57 Tweet 36
  • (ВИДЕО) Еди Рама пред Макрон и Алиев му се потсмева на Трамп: Треба да ни честитате, тој го заврши конфликтот меѓу нас

    108 shares
    Share 43 Tweet 27
  • ИЗБОРНА ХРОНИКА: Мицкоски од Вевчани за „црвените линии“ на Филипче, ВЛЕН со конвенција „Еден глас“ во Скопје, Герасимовски од СДСМ вети бесплатни часови за учениците во Центар

    96 shares
    Share 38 Tweet 24
  • Прв приговор до ДИК: СДСМ Штип против Јорданов и ВМРО-ДПМНЕ за злоупотреба на јавни ресурси

    89 shares
    Share 36 Tweet 22
CivilMedia

СЛОБОДНО.НЕЗАВИСНО.ОТВОРЕНО

  • ЗА НАС
  • ИМПРЕСУМ
  • КОНТАКТ
  • АВТОРСКИ ПРАВА
  • Политика на приватност
  • МАРКЕТИНГ

Следете нè

No Result
View All Result
  • ДОМА
  • ВЕСТИ
  • ПОЛИТИКА
  • СЛОБОДНА ЗОНА
  • АНАЛИЗИ
  • РЕГИОН
  • СВЕТ
  • ВОЈНА ВО УКРАИНА
  • ДЕЗИНФО
  • ФОРУМ
  • ГРАЃАНСКА АКЦИЈА
  • МАРКЕТИНГ
  • ИМПРЕСУМ