Во гола борба за власт, се злоупотребуваат и личните податоци на пратеници, Ковачевски уверува – нема никаква асимилација и бугаризација, на Русите им фали Западот, разгледница на омразата

ВЕСТ НА ДЕНОТ

Пратеничка група на СДСМ: Намерата на објавувањето на телефонските броеви е гола борба за власт и спасување од криминал

Во пресрет на утрешната пленарна седница во Собранието, на која ќе биде разгледуван „францускиот предлог“, на Твитер се споделуваат телефонските броеви на пратениците од власта, и се повикуваат граѓаните да извршат притисок на овие пратеници со порака да не го предаваат народот.

Од пратеничката група на СДСМ, чии пратеници се најдоа на листата, за ЦИВИЛ Медиа ја дадоа следната изјава:

„Телефонските броеви секако се јавни и достапни на сите граѓани. Но, ова е дел од црните сценарија на оние кои не и мислат добро на земјата и ова го користат единствено како гола борба за власт и спасување од криминал.

ИЗЈАВА НА ДЕНОТ

Ковачевски: И повторно ќе кажам, Договорот не води кон никаква асимилација и бугаризација. Додека граѓаните ни ги заплашуваат со наводна „бугаризација“, и дека „од утре нема да сме веќе Македонци“, тие во своите редови имаат десетици видни функционери со бугарски пасоши кои одамна, при добивање на тие документи, се изјасниле дека имаат бугарска самосвест. Лицемерието на ВМРО-ДПМНЕ не познава граници.

ВОЈНА ВО УКРАИНА

Руската компанија за развој на социјалните односи (КРОС – Друштво за развој на социјалните односи) го истражуваше „националниот индекс на страв“ меѓу Русите од почетокот на војната во Украина, врз основа на студијата за социјалните мрежи и медиумското покривање. Истражувањето било спроведено од 24 февруари, првиот ден од агресијата врз Украина, до 31 мај. Како што пишува Московски Комерсант, за Русите во моментов „празен фрижидер е пострашен од ракетите“. Тие се повеќе загрижени за нивната лична егзистенција, заканата од губење на „удобноста“, навиките и стандардите на кои се навикнати отколку за „можната нуклеарна војна“.

Бројот на загинати во ракетниот напад на Русија врз градот Часив Јар, регионот Доњецк, се зголеми на 45.
„Заклучно со 19:30 часот, пронајдени се уште четири тела на жртви (генерално, извлечени се 45 тела, вклучително и на едно дете). Девет цивили се спасени од под урнатините“, се наведува во извештајот. 

Непријателот изврши 28 напади на MLRS на различни локалитети во регионот на Миколајев, при што загинаа пет лица,.

„Од утрото, непријателот изврши 28 напади на MLRS на различни локалитети. Како резултат на тоа, беа оштетени болница и станбени згради. Покрај тоа, областа Витовски беше под оган. Според прелиминарните информации, пет цивили загинаа“, објави на Телеграм Кирило Тимошенко, Ззменик-шеф на Кабинетот на претседателот.

Украина и Русија се на чекор до постигнување договор за извоз на житo, тврди украинскиот министер за надворешни работи, Дмитро Кулеба, во интервју за шпанскиот весник Ел Паис, пренесува МИА.

„Украина е подготвена да го извезува своето жито. На чекор сме до постигнување договор со Русија. Во завршна фаза сме и сега сè зависи од Русија. Доколку навистина сакаат, наскоро ќе започне извозот на жито“, појаснува Кулеба.

Руското гранатирање не престанува ниту еден ден, но окупаторите веќе многу добро почувствувале што е модерна артилерија и навистина се плашат од украинските вооружени сили, изјави украинскиот претседател Володимир Зеленски во видео обраќањето вечерта на 12 јули.

ФЛЕШ ВЕСТИ

ПРАВДА Врховниот суд денеска ги одби барањата за вонредно преиспитување на правосилна пресуда поднесени од поранешниот претседател на Кривичниот суд Скопје, Владимир Панчевски.

БЕЗБЕДНОСТ МВР ќе ги преземе сите мерки за да обезбеди безбедност на пратениците и на законодавниот дом, порача министерот за внатрешни работи Оливер Спасовски при денешната посета на Граничниот премин Табановце каде присуствуваше на промоција на кампањата „Вози одморен“

СОЦИЈАЛНА ПРАВДА  Министерката за труд и социјална политика Јованка Тренчевска денеска изјави дека новата методологија за плати ќе биде готова до крајот на годината, а ќе почне да се применува од јануари следната година. Во изјава за медиумите, Тренчевска денеска рече дека социјалниот дијалог е отворен и дека со новата методологија и со законот за плати ќе растат платите во јавниот сектор.

ИНТЕГРАЦИИ Првиот потпретседател на Владата и министер за политички систем и односи меѓу заедниците, Артан Груби денеска го прими на проштална средба амбасадорот на Унгарија, Ласло Иштван Дукс, со кој разговараше за актуелните состојби во земјата и регионот, соработката во рамките на НАТО, билатералните односи, како и за последните случувања поврзани со процесот на евроинтеграција на земјата.

ИНВЕСТИЦИИ Во првите шест месеци од годинава обемот на инвестиции е околу 240 милиони евра, отворени се нешто под 3 000 нови работни места, а реализирани се и 2,2 милиона евра вкупен извоз, 18 милиони евра приход за државата од персонален данок, 91 милион евра од придонеси и 18 милиони евра од ДДВ, рече денеска директорот на Дирекцијата на ТИРЗ Јован Деспотовски.

УСТАВЕН СУД Уставниот суд на денешната седница го укина членот 12 од Законот за утврдување стратешки партнер за имплементација на проектот за изградба на инфраструктурниот Коридор 8 (делница: Тетово – Гостивар – Букојчани и проектот за автопатот Требеништа – Струга – Ќафасан) и Коридорот 10 д (делница на автопатот Прилеп – Битола) во Република Северна Македонија („Службен весник на Република Северна Македонија“ бр.163/2021), информираат од службата за комуникации на Уставниот суд.

КУЛТУРА  Со години „Охридските лета“ се отвораа или се затвораа со фанфари и со мелодијата по Прличевите болни и тешки зборови од „Илјада и седимстотини шесдесет и второ лето“. Но, и покрај „словото горко, словото жалосно“ од Цариград, ние имавме вера, имавме црква – ниту со декрет нè укинаа, ниту со декрет можеа да ни земат – рече министерката за култура Бисера Костадиновска-Стојчевска во своето обраќање на отворањето на шеесет и второто фестивалско издание на „Охридско лето“, информираат од Министерството за култура.

ЦИВИЛНИ АКТИВНОСТИ

Во фокусот на ЦИВИЛ: Национализмот на политичката улица

ЦИВИЛ организира панел дискусија на тема „Национализмот на политичката улица“ што ќе се одржи в четврток, 14 јули 2022 година, со почеток во 13 часот, во прес центарот на ЦИВИЛ, во бизнис центарот Палома Бјанка, 3 кат.
Настанот е посветен на националистичкиот наратив за време на протестите против европскиот предлог за пристапни преговори на Северна Македонија за членство во ЕУ.

ГОВОР НА ОМРАЗА

Разгледница на омразата

На протестите против европскиот предлог и „бугаризација“, предводени од ВМРО-ДПМНЕ и Левица, демонстрантите извикуваат пароли со експлицитен говор на омраза по етничка основа.

Д.Мишев