ЦИВИЛ – Центар за слобода, во координација со Амбасадата на Украина, по јавниот апел на министерот за надворешни работи на Украина, Андриј Сибига ги повика сите хумани луѓе да се приклучат на хуманитарната акција Топлина за Украина за прибирање средства и агрегати за снабдување со електрична енергија за домаќинствата, училиштата и болниците во земјата.
Веќе во првите неколку денови, акцијата побуди интерес од повеќе фирми и институции, но и голем број поединци кои побараа информации како да се вклучат во оваа хумана акција.
ЦИВИЛ ги објави неопходните информации за сите што сакаат на дело да ја покажат својата хуманост и секојдневно ги споделува со јавноста.
Информации и координација
За набавка или доставување на енергетската опрема, може да се контактира Иван Примаченко (ivan.prymachenko@mfa.gov.ua и на тел. +380 67 455 91 39 / WhatsApp, Viber или +389 70 771 474).
Донации
Денарска сметка: Парични средства во било кој износ може да се донираат преку Фондација Македонски Каритас Скопје, трансакциска сметка: 300000004360186, Комерцијална банка, со целна дознака: Помош за Украина.
Девизна сметка (за донации од дијаспората):
Name of the bank: Komercijalna banka AD Skopje
Address of the bank: Orce Nikolov br. 3, 1000 Skopje, North Macedonia
Account’s holder: Foundation Macedonian Caritas
Account’s holder’s address: Petar Poparsov br. 43, 1000 Skopje, North Macedonia
SWIFT code: KOBSMK2X
IBAN Code: MK07300701003596824
Account number: 0270100359682
Remittance: Aid for Ukraine
Секој може да помогне на различни начини. Секој, и најмал износ е чекор поблиску до спасување на некое дете чиј живот е загрозен од смртоносниот студ.
Хуманите луѓе можат да донираат агрегати или парична помош за набавка на неопходната енергетска опрема за украинските семејства и заедници на кои им е најпотребна.
Споделување и објавување
Тие што немаат можност за парична помош, исто така, може да се вклучат во оваа акција преку поддршка и споделување на оваа информација на социјалните мрежи и во разговорите со блиските.
Уредниците во медиумите може да помогнат со преземање на оваа содржина.
Енергетската инфраструктура на Украина е под постојани и намерни напади. Струјата и греењето се уништуваат. Семејствата и децата се соочуваат со екстремни зимски услови.
Хаштаг: #ТоплинаЗаУкраина.
„Зимата се користи како оружје. Нашиот одговор е едноставен и човечки: топлина, грижа и заедничка одговорност – од луѓе за луѓе, преку границите“, се вели во соопштението на ЦИВИЛ во кое се повикуваат сите хумани луѓе да помогнат во оваа тешка ситуација за украинските цивили.
Од организацијата нагласуваат дека „ова не е обична донација. Ова е повик за солидарност со Украина и доказ дека зимскиот терор нема да ја скрши човечката солидарност.“
ЦИВИЛ – Центар за слобода
