• Latest
Џабир Дерала

Војната на Путин против сегашноста и иднината на светот

February 24, 2022
Фото: Скриншот од видео на
CNA

Тајландската премиерка отстранета од функцијата по скандалот со протечениот телефонски разговор со поранешниот камбоџански премиер

August 29, 2025
Фото: Украинска амбасадорка Лариса Дир/Х

Амбасадорката Дир: Денот на сеќавање на бранителите и бранителките на Украина, им оддаваме почит на сите што го дадоа својот живот– тоа е болка што потсетува на страшната цена на слободата

August 29, 2025
Фото: Wikimedia commons

Стејт департментот одобри продажба на оружје на Украина во вредност од 825 милиони долари

August 29, 2025
Фото: Цивил

Бранимир Јовановиќ за ЦИВИЛ МЕДИА: Има една шега во статистиката – ако доволно ги мачите податоците, тие ќе признаат сѐ што сакате – изгледа ВМРО буквално ја сфатиле

August 29, 2025

Репортери без граници: Насилство врз новинарите во Србија-регистрирани се 34 напади за помалку од два месеци

August 29, 2025
Обновливи извори на енергија

Њујорк Тајмс: Вашингтон врши притисок – повеќе јаглен и нафта, помалку климатски заложби

August 29, 2025
Фото: Скриншот од видео на CBS News

(ВИДЕО) Тепачка во мексиканскиот Сенат по дебатата за американската воена интервенција

August 29, 2025
Фото: Скриншот од видео на The Guardian

Блер се придружи на Трамп во Белата куќа на состанокот за плановите за повоена Газа

August 29, 2025
Фото: Скриншот од видео на DRM News

(ВИДЕО) Белата куќа ги изедначува руските и украинските напади по нападот на Москва врз Кијив во кој загинаа 23 лица 

August 29, 2025
Фото: ЦУК

Изгаснат пожарот покрај автопатот Скопје-Тетово 

August 29, 2025
CivilMedia
  • ДОМА
  • ВЕСТИ
  • ПОЛИТИКА
  • ИЗБОРИ
  • ОПШТЕСТВО
  • СЛОБОДНА ЗОНА
  • АНАЛИЗИ
  • РЕГИОН
  • СВЕТ
  • ВОЈНА ВО УКРАИНА
No Result
View All Result
  • ДОМА
  • ВЕСТИ
  • ПОЛИТИКА
  • ИЗБОРИ
  • ОПШТЕСТВО
  • СЛОБОДНА ЗОНА
  • АНАЛИЗИ
  • РЕГИОН
  • СВЕТ
  • ВОЈНА ВО УКРАИНА
No Result
View All Result
CivilMedia
No Result
View All Result
Home СЛОБОДНА ЗОНА ЕДИТОРИЈАЛ

Војната на Путин против сегашноста и иднината на светот

February 24, 2022 15:31
in ЕДИТОРИЈАЛ, ТОП 5
Џабир Дерала

Џабир Дерала

Share on FacebookShare on Twitter

ЏАБИР ДЕРАЛА

Рускиот претседател Владимир Владимирович Путин започна целосна инвазија од копно и од море врз мирољубивата, независна и суверена Украина. На Путин не му е доволно што од 2014 година окупира повеќе од седум проценти од територијата на украинската држава, па реши да го враќа „империјалниот сјај“ на Русија со воено разорување на целата земја. Украина одговори на агресијата и веќе започна со одбраната. Но ова не е (само) воена агресија на Русија врз Украина.

Путин е во војна со сегашноста и иднината на светот. Војна на сталинистичкото минато на Русија со современиот демократски свет. Војна во која Путин со својата воена и пропагандна машинерија се обидува да го врати светот во деновите на почетокот од Втората светска војна.

Прва и најголема жртва на војната на Путин се украинските цивили, кои од раните утрински часови ги слушаат сирените за тревога. Веќе во првите часови од војната има многу разурнувања и човечки жртви.

Меѓу жртвите, веќе одамна, со години наназад, се наоѓаат фактите и вистината. Од првите часови на војната, пропагандата доби на интензитет повеќекратно. Сајбер војната се разгоре паралелно со разурнувањата на линиите на фронтот. Паѓаат веб страниците на украинските институции и медиуми, сајбер нападите се бележат и насекаде низ светот.

Прашање на денови, ако не и на часови е кога последиците од хибридната војна ќе се почувствуваат во секој дом на европскиот континент и во остатокот од светот. Тоа ќе биде начин Путин да го убеди светот во неговата „вистина“.

Путин, тој студен деспот, лишен од морал, со тактики од времето на советскиот сталинизам, само усовршени, ги прегази сите договори и меѓународното право. Сега и за најнаивните стана очигледно дека тој само се подбивал со дипломатијата и дијалогот кој му го предложи Западот.

Путин конечно влезе во последната фаза од реализација на својот сон – враќање на Советскиот Сојуз, онака како што тој си го замислува, седнат на тронот на узурпираната врховна моќ во Русија пред повеќе од две децении.

Да, Путин изврши целосна агресија врз Украина, но и врз светот и современите демократски вредности. Требаше да се очекува тоа од него, иако светот, особено Европа, изгледаат како да се изненадени.

Во своите мрачни и неповрзани говори во последните неколку дена, Путин ја обвинува мирољубивата и независна Украина за нацизам. Вистината е дека агресијата врз Украина се извршува во истиот манир како војната во Полска, 1939 година, кога земјата ја поделија нацистичкиот режим од запад и сталинистичкиот од исток.

Путин ја обвинува Украина за геноцид. Вистината е дека режимот кој тој сонува да го врати спроведе геноцид со изгладнување на Украина, Холодомор, во 1932-1933 година, кога од глад умреа 3,9 милиони луѓе. И сега спроведува воена агресија со воена машинерија невидена во последните 80 години во светот, која нема никаква друга смисла и намена освен да предизвика незамисливо разорување, страдање и смрт. Геноцид.

Ова е последната, најкрвава етапа од бизарниот пат на рускиот диктатор и агресор. Како и секој автократ, Путин е заглавен во лавиринтот на сопствените трагични бесмислици. Трагични по Украина, трагични по Русија, трагични по светот.

Веројатно, историјата ќе забележи дека со оваа агресија, Путин ѝ помогна на Европа да се разбуди, барем за миг, од својот долг дремеж. Со години наназад, Европа и Западот (можеби се преправаше дека не гледа) се полигон за мешањето на Путиновата клика во нивните внатрешни работи, во економијата, политиката, изборните процеси, медиумите, културата и односите меѓу заедниците.

Европа треба да научи дека ако нешто не сака да се случи, не значи дека тоа нема и да се случи.

Дали Европа и светот ќе научат нешто од сопствените грешки и ќе останат фокусирани, обединети и решителни или силно ќе ги стиснат очите и ќе му дозволат на Путин да го врати тркалото на историјата за речиси еден век? Невозможно е да се даде одговор на ова прашање на првиот ден од нападот, но добро е да се постави.

Иднината е неизвесна, а минатото се врати на прагот на нашите домови. Бројчаникот на смртта се врти сè побрзо.


Сите права се задржани. Текстот е личен став на Авторот.

Print Friendly, PDF & Email
Share33Tweet21Send

НАЈЧИТАНИ 5

  • СРПСКИ (БУРАЗЕРСКИ) СВЕТ: Ќе добие ли ВМРО-ДПМНЕ своја банка?

    122 shares
    Share 49 Tweet 31
  • Разрешени и избрани нови членови на општински изборни комисии за Локалните избори 2025

    98 shares
    Share 39 Tweet 25
  • МВР го уапси родителот кој го предизвика инцидентот во Штип, ФФМ, Шкупи и Брегалница го осудија – спортот не треба да биде арена за физички конфронтации

    92 shares
    Share 37 Tweet 23
  • Јагода и вестите

    90 shares
    Share 36 Tweet 23
  • ВМРО-ДПМНЕ добива своја „послушна“ банка, Србија – ново средство за влијание

    89 shares
    Share 36 Tweet 22
CivilMedia

СЛОБОДНО.НЕЗАВИСНО.ОТВОРЕНО

  • ЗА НАС
  • ИМПРЕСУМ
  • КОНТАКТ
  • АВТОРСКИ ПРАВА
  • Политика на приватност
  • МАРКЕТИНГ

Следете нè

No Result
View All Result
  • ДОМА
  • ВЕСТИ
  • ПОЛИТИКА
  • СЛОБОДНА ЗОНА
  • АНАЛИЗИ
  • РЕГИОН
  • СВЕТ
  • ВОЈНА ВО УКРАИНА
  • ДЕЗИНФО
  • ФОРУМ
  • ГРАЃАНСКА АКЦИЈА
  • МАРКЕТИНГ
  • ИМПРЕСУМ