Непочитување мерки за заштита од КОВИД-19
Демократска Унија за Интеграции
Градоначалникот на Општина Струга и кандидат на Локалните избори, Рамиз Мерко на денешната средба со жителите од Струга и кандидатите за општинскиот совет делеа партиски материјали (флаери), и се поздравуваа со граѓаните без почитување на мерките за заштита од КОВИД-19, односно, на фотографиите објавени на Фејсбук профилот на градоначалникот, се забележува како се гушка со граѓаните.
Алијанса за Албанците
Кандидатот на Алијансата за Албанците за градоначалник на општина Боговиње, Албон Џемаили денеска пред жителите на општината ја претстави својата програма. На средбата присуствуваа и претседателот на Алијансата за Албанците, Зиадин Села и пратеничката Илире Даути.
Средбата се одвиваше во затворен простор, со видливо непочитување на протоколите за заштита од КОВИД -19.
Непочитување на КОВИД протоколите се забележани и на средбата на кандидатот за градоначалник на општина Желино, Махир Зибери, во село Ларце.
УПОТРЕБА НА ТРАГЕДИЈАТА СО ПОЖАРОТ ВО ТЕТОВО ВО ИЗБОРНА КАМПАЊА
Алијанса за Албанците
Претседателката на Унијата на жените на Алијанса за Албанците, Вјолца Бериша, денеска на прес конференција побара одговорност за пожарот во Тетово во кој изгоре модуларната болница и починаа 14 пациенти.
„Ние како политичка партија, заедно со вас, нема да дозволиме измамата да се рециклира на овој начин, да се пакетира и да ни се нуди повторно како да се нема случено ништо. Ние нема да ги заборавиме 14-те изгорени тела, ниту пак болката на 14-те семејства што ги загубија нивните најмили, ниту неодговорноста на функционерите на тој ден, коишто и денес после три недели без трошка срам продолжуваат да се сликаат, продолжуваат со кампањата активно на нивен срам и наша болка.“, изјави меѓу другото Бериша.
ВМРО -ДПМНЕ
Претседателот на ВМРО-ДПМНЕ Христијан Мицкоски на вечерашниот предизборен митинг во Тетово рече дека место министерот за здравство Венко Филипче да понесе политичка одговорност поради тоа што 14 луѓе живи изгореа во модуларната болница во Тетово, тој оди по митинзи.
ГРАЃАНСКО УЧЕСТВО ВО МОНИТОРИНГОТ НА ЦИВИЛ
ГРАЃАНСКА ПРИЈАВА ЦИВИЛ ги повикува сите граѓанки и граѓани да пријавуваат изборни нерегуларности, притисоци и закани, корупција на Граѓанската пријава и да не подлегнуваат на дезинформациите и говорот на омраза.
ПРИЈАВА НА ИЗБОРНИ НЕРЕГУЛАРНОСТИ За време на изборниот процес, на располагање е и веб страницата Слободни избори со онлајн формулар за пријава на изборни нерегуларности.
ЦИВИЛ континуирано ги повикува сите политички партии да се придржуваат кон Изборниот законик и добрите изборни практики. Изборниот законик има голем број слабости и не секогаш тоа што е дозволено со законот е и етички исправно.
Д. Тахири