Канцеларијата на Обединетите нации во Република Македонија по повод 8 мзрт организираше настан „По ратификацијата – Што е следно по Истанбулската конвенција“.
На настанот присуствуваше и Зоран Заев кој истакан дека Владата е подготвена да работи на системско унапредување на родовата еднаквост и елиминирање на сите форми на насилство врз жените.
„Ве уверувам дека како претседател на Владата цврсто застанувам покрај вас и со вас бидејќи навистина нема родова еднаквост и еднакви можности се додека жените и девојките трпат насилство.
Во таа насока, инсистирам и повикувам на координиран и искрен пристап на сите институции, сите министерства,во справувањето со родово заснованото насилство и во усвојувањето на потребните законски измени согласно обврските од Конвенцијата. Тука, координацијата помеѓу министерствата за труд и социјална политика, за здравство и за внатрешни работи е од клучно значење. Но, да не заборавиме дека ова е обврска на целата Влада, на целото општество кое мора цврсто да се спротивстави и да каже НЕ за насилството врз жените“, изјави Заев.
На настанот присуствуваа бројни претставници на амбасадите во Република Македонија, меѓународните и граѓанските организации и медиумите, а свои кратки обраќања на настанот имаа постојаната претставничка на Обединетите Нации во Македонија, Луиза Винтон, Претседателот на Владата на Република Македонија, Зоран Заев, министерката за труд и социјална политика, Мила Царовска и министерот за здравство, Венко Филипче.
„Родовата еднаквост не е само прашање на фундаментални човекови права, туку и основа за просперитет и оддржлив развој.“, истакна министерката Царовска и ги објасни мерките и реформите кои се спроведуваат од министерството, како носител на реформите и политиките во оваа сфера
Министерот за здравство Венко Филипче најави ревизија на Законот за аобртус и обуки и специјализација на здравствените работници во клиничкиот менаџмент, како и отворање на три центри за упатување на жртви во склоп на гинеколошко акушерската клиника во Скопје и болниците во Куманово и Тетово.
Постојаната претставничка на Обединетите нации, Луиза Винтон напомена дека ратификацијата на Истанбулската конвенција е многу важен исчекор, но имплементацијата е поголем предизвик на кој треба посветено да се работи.
