Премиерот Зоран Заев изјави дека предлозите за испразнетите министерски места се испратени до Собранието на Република Македонија и оти предлогот на Алијансата за Албанците за министерското место за здравство бил неприфатлив.
Во гостувањето на „Ноќно студио“ на телевизија Телма, Заев рече дека на никој од коалиционите партнери не му следува министерство по проритет и оти Алијансата за Албанците го добила министерството за здравство поради Арбен Таравари.
Заев оцени дека станува збор за незгодна ситуација, имајќи ја во предвид целокупната соработка со Зијадин Села и тоа што Села бил заедно со него на 27 април, но оти како премиер има поголема одговорност.
За предлогот за министер за здравство да биде назначен Венко Филипче, премиерот Заев смета дека станува збор за човек којшто ќе ги спроведе реформите во здравството.
извор: МИА
Содржините кои ЦИВИЛ ги презема од други извори не подлежат на лиценцата Creative Commons 1.0, инаку вообичаена за содржините кои ги објавува оваа медиумска платформа. Ве молиме, консултирајте се со изворот за преземање на таквите содржини.
