Премиерот Зоран Заев денеска ги отфрли како неточни сѐ почестите информации во јавноста дека Владата досега има ангажирано 120 лица.
Според него, се работи за вкупно 39 луѓе кои асистираат буквално заради транспарентноста на работењето на Владата, но и од нив, како што рече, ќе останат многу помалку.
„Водиме сметка за домаќинско работење, гледаме со минимум ресурси да го испорачаме пред граѓаните се она што треба. Никојпат нема да зборавиме дека транспарентноста е важна работа. Залудно е се што работиме, ако граѓаните за тоа не знаат. Ако граѓаните и вие медиумите не не контролирате, може секој да забега и на крајот да ни се повторат работите од минатото за кои ниту ние, ниту граѓаните очекуваме да се случат. Отворено, по пат на дебата разговараме за сите работи, подготвени сме секогаш да се корегираме, но верувајте дека тоа се мнинимум ресурси што ни требаат за асистирање, за се што е општествена и владина одговорност пред граѓаните, за да допре до граѓаните“ – рече Заев, одговорајќи на новинарски прашања по потпишувањето на првите договори за поддршка на младите земјоделци во Министерството за земјоделство.
Во врска со предупредувањето од Брисел дека треба да се намали или да се внимава на Секторот за односи со јавност, премиерот одговори дека Владата ги почитува сите препораки.
„Ги почитуваме и ќе ги почитуваме сите препораки, апсолутно, стропроцентно, секако објаснувајќи ги сите наши аргументации зошто нешто е неопходно, во дијалог со Евроспката унија“ – напомена Заев.
извор: МИА
Содржините кои ЦИВИЛ ги презема од други извори не подлежат на лиценцата Creative Commons 1.0, инаку вообичаена за содржините кои ги објавува оваа медиумска платформа. Ве молиме, консултирајте се со изворот за преземање на таквите содржини.
